मोरङ  ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) प्रभावकारी भएपछि यसमा आबद्ध हुने संस्थाहरु दिन प्रति दिन बढ्दै गएका छन । जनप्रेमी  बचत तथा ऋण सहकारी संस्था लि.बेलबारी,०८ मोरङ विच नियमीत निरिक्षण अनुगमन  (स्क्यान)कार्यक्रम कार्यन्वयनका लागि असोज २४ गते  दुबै पक्ष विच सम्झौता भएको छ । 

संघमा आबद्ध सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखी सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न,स्तरीकरण कार्यक्रम एक्सेस, प्रोवेसन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वनियमन सक्षमता विकासका लागि नयाँ कार्यक्रम  (स्क्यान) आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानमा आबद्ध सबै संस्थाहरूलाई उत्कृष्ट भरपर्दो र प्रभाबकारी तरिकाले अनुगमन सुपरिवेक्षण गर्दै आएको छ । 

यो कार्यक्रम पश्चात उक्त सहकारी संस्थामा देखिएका सबै चुनौति अप्ठेराहरुको समाधान भई देशको एउटा नमुना र उदाहरणीय संस्था बनाउने उद्धेश्य राखिएको उक्त कार्यक्रमको सम्झौतामा जनप्रेमी  साकोसका अध्यक्ष हेम बहादुर श्रेष्ठ,उपाध्यक्ष नरेन्द्र प्रसाद रिजाल,सचिव लक्ष्मि प्रसाद तिमल्सिना,संचालक सदस्य ललित बहादुर बस्नेत,लेखा सुपरिवेक्षक संयोजक रमेश पराजुली,पुर्व संचालक लिला देवी रिजाल, सह व्यवस्थापक भुपाल थापा र संघका सुनसरी सदस्य सेवा कार्यालयका सहायक डिल्लिराम तिमल्सिनाको रोहबरमा प्रथम पक्ष नेफ्स्कूनको तर्फबाट अधिकृत सौभाग्य भट्टराई र दोस्रो पक्ष  जनप्रेमी  बचत तथा ऋण सहकारी संस्था लि.को तर्फबाट व्यवस्थापक गोविन्द खड्काले हस्ताक्षर गर्नु भएको छ ।