नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को आयोजना र जिल्ला बचत संघ गुल्मिको समन्वय तथा सहयोगमा सहकारी सिद्धान्त अनुशिक्षण तथा स्क्यान कार्यक्रम अभिमुखीकरण कार्यक्रम असोज २६ गते गुल्मी तम्घास, गुल्मी यूनाईटेड साकोसको सभाहलमा सम्पन्न भएको छ ।

जिल्ला वचत संघ गुल्मीका अध्यक्ष श्याम कुमार पाण्डेको अध्यक्षतामा सम्पन्न कार्यक्रमको प्रमुख अतिथि नेफ्स्कून अध्यक्ष, चन्द्र प्रसाद ढकालले गर्नुभएको थियो । सहभागिहरूबाट उठेका प्रश्नहरूको सम्बोधन गर्दै वर्तमान सहकारी कानुनको कार्यान्वयनको अवस्था प्रभावकारी हुँदै गएको र वर्तमान अवस्थामा सहकारी क्षेत्रमा देखिएका चूनौतिहरुको अवसरका सम्भावनाहरु रहेको कुरा वताउनुभएको थियो । साथै अध्यक्ष ढकालले सहकारी भित्रका अभियान कर्मिहरुले हरेकले आफुलाई करेक्सन गर्नु पर्ने ठाउँमा करेक्सन गरेर जानुपर्ने वताउनु भएको थियो । सदस्य संस्थाहरुले एम आई एसमा नियमित रुपमा प्रतिवेदन पठाई आफ्नो संस्थाको जोखिम मापन गर्ने र आफ्नो साकोसलाई कमजोर हुनबाट जोगाउन (स्क्यान) नियमित निरिक्षण तथा अनुगमन कार्यक्रममा आवद्ध हुन आग्रह गर्नुभएको थियो । 

नेफ्स्कून बरिष्ठ अधिकृत कोमल राज अधिकारीले सहकारीको मर्म, मुल्य र सिद्धान्तहरुको व्यवहारिक प्रयोग, नेफ्स्कूनको आगामि कार्यदिशा र स्क्यान कार्यक्रमको विषयमा प्रस्तुतिकरण गर्नुभएको थियो भने व्यवस्थापन का.सहायक पुजा अग्रहरीले गर्नुभएको थियो । 

जिल्ला बचत संघका अध्यक्ष श्यामकुमार पाण्डेले आफ्ना सदस्यहरुको वचतको सुरक्षा र संस्थालाई दिगो बनाउनका लागि स्क्यान कार्यक्रम प्रभावकारी रहेको कुरा राख्नुभएको थियो ।  ४० जना सहभागी रहेको उक्त कार्यक्रममा गुल्मी यूनाईटेडका अध्यक्ष, रामप्रसाद पन्थीले स्वागत मन्तव्य राख्नुभएको थियो ।