मोरंग । नेपाल बचत तथा ऋण केन्द्रीय सहकारी सघं लिमिटेड (नेफ्स्कून) द्वारा दौतरी बलिया  बचत तथा ऋण सहकारी संस्था लिमिटेडको प्रोवेसन कार्यक्रम अन्तर्गत स्थलगत अनुगमन सम्पन्न गरेको छ ।

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारीरुपमा अघि बढाइएको छ। संस्थाको स्तरीकरणका लागि  बिभिन्न बिषयहरु जस्तै कर्जा, बचत, ब्याजदर, बार्षिक योजना, सम्पति शद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुलि, पुजी प्रयाप्तता अनुपात लगायत समग्र आर्थिक अवस्था र सहकारीले उपलब्ध गराएको सेवा सुबिधाको बिषयमा अनुगमन गरीएको थियो ।

स्क्यान कार्यक्रम अन्तर्गत प्रोबेसन कार्यक्रममा आबद्ध रहेको दौतरी बलिया साकोस को समग्र कानुनी जोखिम, बित्तिय जोखिम, ऋण जोखिम, तरलता जोखिम र संचालन तथा सुसाशन जोखिम मा केन्द्रित रही संस्थाको जोखिम न्यूनीकरण गर्ने सुझाब सहित अनुगमन गरिएको थियो ।

नेफ्स्कूनको तर्फबाट कार्यक्रम अधिकृत शौभाग्य भट्टराईले  संस्थाको स्थलगत अनुगमन गर्नु भएको थियो भने संस्थाको तर्फबाट अध्यक्ष उमेश वस्ती, प्रोवेसन कार्यदल सदस्य देवीप्रसाद पराजुली, देवीन्द्र कुमार कार्की, ब्यबस्थापक लोकेन्द्र काफ्ले, कर्मचारी माया देवान लगायत संचालक समिति र ब्यबस्थापनका अन्य कर्मचारीहरुको उपस्थिति रहेको थियो ।  स्थलगत अनुगमन पश्चात संस्थालाई सुधार गर्नुपर्ने बिषयहरु मा सुझाब प्रदान गरी उक्त सुझाबहरु कार्यान्वायन गर्ने सहमति सहित निर्णय गरिएको थियो ।