नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम धनुषामा एकै दिन दुई साकोस सारा साकोस जनकपुरधाम उपमहानगरपालिका ०९ धनुषा र मा लक्ष्मि साकोस (स्क्यान) कार्यक्रममा आबद्व भएको छन् । 
  
संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।

सहकारी ऐन २०७४ को व्यवस्था बमोजिम संघद्धारा कार्यक्रमको शुरुवात गरिएको थियो । आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्दा प्रभाबकारी  भएकाले आबद्व हुने संस्थाहरू क्रमश बढिरहेका छन्  ।  धनुषाबाट दुईवटा संस्थाहरू आबद्व भएका छन । जस्मा सारा बचत तथा ऋण सहकारी संस्था लिमिटेडका अध्यक्ष राधा प्रसाद यादव र मो.कशिम स.व्यवस्थापक तथा मां लक्ष्मी साकोस नगराईन ४ फुलगामाका अध्यक्ष मनोज कुमार ठाकुर र व्यवस्थापक उषा सिंह, नेफ्स्कूनको तर्फबाट रामकृष्ण भट्टराई, सदस्य सेवा कार्यालय ईन्चार्ज राजेन्द्र ढकाल सहजकर्ता रम्भु पंडित र श्याम बुढाथोकीको उपस्थितिमा सम्झौता सम्पन्न भएको थियो ।