काठमाडौं ।  नेपाल वचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान)  कार्यक्रममा काठमाडौं महानगर चावहिल ,जोरपाटीमा रहेको अजम्बरी साकोस असोज ३० गते आवद्ध भएको छ । 

नेफ्स्कूनको स्क्यान कार्यक्रमले संस्थामा सृजना हुने वित्तिय जोखिम ,कानुनी जोखिम सञ्चालन  तथा सुशासन जोखिम  ,ऋण जोखिम, तरलता जोखिम र बजार जोखिम न्यूनिकरणमा योगदान  गर्नुको साथै सुरक्षित संस्थाको प्रत्याभूती हुने अपेक्षा गरेका छन् ।  आवद्ध पश्चात संस्थाका प्रमुख कार्यकारी अधिकृत गान्वा सुनुवारले संस्था थप सुरक्षित, संस्थागत सुदृढीकरण र संरक्षणमा रहने बताउनु भयो ।  सुरक्षित संस्था निर्माण मा यस कार्यक्रमले थप टेवा मिल्ने बताउनु भयो ।  
संघको तर्फबाट चावहिल सदस्य सेवा कार्यालय ईन्चार्ज राधा कुमारी पोखरेल र संस्थाको तर्फबाट प्रमुख कार्यकारी अधिकृत गान्वा सुनुवारको हस्ताक्षरमा सम्झौता भएको थियो ।