ललितपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा आयोजित नियमित निरीक्षण तथा अनुगमन (Supervisory Checks & Analysis for Navigation-SCAN) कार्यक्रम अन्तर्गत “जोखिम व्यवस्थापन कार्यशाला ३६० – Credit Union Risk Management (CURIMA-360) Workshop कार्यक्रम महालक्ष्मीस्थान, ललितपुरमा कार्तिक १६ गते सम्पन्न  भएको छ ।

कार्यक्रममा  स्वागत मन्तव्य राख्दै गोपाल प्रसाद गौतमले सबै सदस्य संस्थालाई स्क्यान कार्यक्रममा आबद्ध गराउने र संस्थाको सम्पूर्ण समस्याको निदान गरी सबलीकरणतर्फ लैजानुपर्ने बताउनुभयो । उहाँले सहकारी संस्थालाई आवश्यकता अनुसारको अनुगमन तथा सुपरीवेक्षण प्रणाली विकसित गरी कानुन कार्यान्वयनमा बल पुर्‍याउने कुरा उल्लेख गर्नुभयो ।

कार्यक्रमको उद्घाटन  सत्रका प्रमुख व्यक्तित्व दामोदर अधिकारीले आफ्नो उद्घाटन मन्तव्यमा सहकारी क्षेत्रमा भूकम्प, कोभिड-१९ पश्चातका असहज परिस्थितिका कारण संचालन,कानुनी तथा वित्तीय जोखिम देखापरेको छन् जसलाई सन्तुलनमा राख्दै अगाडि बढ्नु पर्ने आवश्यकता रहेको औंल्याउनुभयो ।
“सदस्यहरूले आफ्नो बचत संस्थामा भरोसा गरेर जम्मा गरेका छन् । संस्थाले त्यो विश्वासको कदर गर्दै पारदर्शिता र उत्तरदायित्वका साथ काम गर्नुपर्छ । जोखिम सामान्य रहँदा नै उपचार गर्नु जरुरी छ, अन्यथा संस्था दुर्घटनातर्फ जान सक्छ ।”उहाँका अनुसार, स्क्यान कार्यक्रम संस्थाको “पूर्ण परीक्षण र आवश्यक उपचार” गर्ने प्रक्रिया हो, जसले सहकारीलाई सुरक्षित र सबल बनाउन मद्दत पुर्‍याउँछ । नेफ्स्कूनको हालको प्रमुख प्राथमिकता यही कार्यक्रम रहेको छ र त्यसका लागि आवश्यक जनशक्ति पनि परिचालन गरिएको थियो  ।

कार्यक्रममा संचालक एबम सदस्य सेवा ब्यबस्थापन उपसमिति सदस्य गोपाल प्रसाद गौतम र विभागीय प्रमुख दुर्गा प्रसाद ढकालको विशेष उपस्थिति रहेको थियो । संचालन सुमनराज घिमिरेले गर्नुभएको थियो । प्रमुख व्यक्तित्व संघका बरिस्ठ उपाध्यक्ष एबम सदस्य सेवा ब्यबस्थापन उपसमिति संयोजक दामोदर अधिकारीको रहेको थियो भने संघका प्रशिक्षकका रूपमा दुर्गा प्रसाद ढकाल, सुमनराज घिमिरे र प्रबिण अधिकारीले प्रशिक्षण सत्र सञ्चालन गर्नुभएको थियो। प्रशिक्षणका मुख्य विषयहरूमा सुरक्षित साकोस र समुन्नत समाजका लागि सहकार्य, सहकारी पहिचानको पुनःपुष्टि,कानूनी जोखिम,वित्तीय जोखिम,ऋण जोखिम,संचालन तथा सुशासन जोखिम,बजार जोखिम लगायतका बिषयहरु समावेश गरिएको थियो ।

कार्यक्रममा ललिपुर जिल्लाका ४६ वटा बचत तथा ऋण सहकारी संस्थाबाट  ६६  भन्दा बढी प्रतिनिधिहरूको सहभागिता रहेको थियो ।