सर्लाही  ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) संग त्रिवेणी बचत तथा ऋण सहकारी संस्था लिमिटेड  हरिवन ०६,सर्लाही नियमित निरिक्षण अनुगमन कार्यक्रम (स्क्यान) मा आबद्ध भएको छ । 

संघले आबद्ध सदस्य संघ संस्थाहरुको नियमित रुपमा निरिक्षण तथा अनुगमन गरी जोखीमको स्तर निर्धारण,जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित एक्सेस,प्रोवेसन,तथा कव्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्ने लक्ष्य राखेको छ ।

नेफ्स्कून सर्लाही सदस्य सेवा कार्यालय ईन्चार्ज सन्जय कुमार कर्ण,नेफ्स्कून जनकपुरका स्क्यान सहजकर्ता रम्भु पंडित  र त्रिवेणी साकोसका अध्यक्ष नवराज हुमागाइ ,उपाध्यक्ष श्याम सुन्दर महतो र व्यवस्थापक राम लाल महतोको  रोहबरमा प्रथम पक्ष संघबाट कार्यक्रम अधिकृत राम कृष्ण भट्टराई र दोस्रो पक्ष साकोसबाट व्यवस्थापक रामलाल महतोको हस्ताक्षरमा स्क्यान कार्यक्रमको सम्झौता सम्पन्न भएको थियो ।

सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।