धादिङ । धादिङको गल्छी गाउँपालिका वडा नम्बर ६ बैरेनीको नेफ्स्कूनसंग आबद्ध संस्था हाइवे बचत तथा ऋण सहकारी संस्था लिमिटेडले रक्तदान कार्यक्रमको आयोजना गरेर २०औं स्थापना दिवस कार्तिक २१ गते मनाएको छ । 

नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग र हाइवे बचत तथा ऋण सहकारी संस्था लि.को आयोजनामा गरिएको रक्तदान कार्यक्रममा ७६ जना पुरुष र २४ जना महिला गरी १०० जनाले रक्तदान गरेको हाइवे साकोसका व्यवस्थापक ऋिसिराम नेपालले बताउँनु भयो । 

 कार्यक्रममा धुनिवेशी नगरपालिकाका प्रमुख बालकृष्ण आचार्य,गल्छी गाउँपालिकाका अध्यक्ष केदारनाथ खतिवडा, वडा अध्यक्षहरु,धादिङ रेडक्रसका सभापति दुर्लब कुमार तामाङ,संस्थाका अध्यक्ष शिव बहादुर भण्डारी,सदस्यहरु,कर्मचारी स्थानिय नागरिक लगायतकोे सहभागीता रहेको थियो ।

रगत दिनु भनेको जीवन दिनु हो । सहकारी संस्थाले रक्तदानजस्ता जीवनदायी कार्यहरूमा अग्रसर हुँदा समाजमा ठूलो परिवर्तन ल्याउन सक्छ । सामाजिक एकता, सद्भाव र मानवताको शन्देस झनै प्रगाढ बनाउँछ । रगत जीवन जीउनका लागि अत्यन्त महत्वपूर्ण चिज हो ।  कुनै पनि गम्भीर चोटपटक, शल्यक्रिया, दुर्घटना, डायलाइसिस, प्रसूति, वा अन्य रोगहरूको उपचारमा रगतको आवश्यकता पर्छ । यस्तो अवस्थामा समयमै रगत नपाउँदा अनगिन्ती व्यक्तिको ज्यान जान सक्छ । यस्ता संकटपूर्ण घडीमा सहकारीले रक्तदान कार्यक्रम गरि रगत जम्मा गर्न सके त्यो रगतले कसैको जीवन बचाएर अमूल्य सहयोग गर्न सक्छ । त्यसैले रक्तदान कार्यक्रम उत्कृष्ठ र मानवियताका हिसाबले जीवन दान हो ।

समुदायप्रति रुची राख्नु सहकारीको सिद्धान्त हो । सदस्यहरुद्धारा निर्धारण गरिएका नीतिहरुको आधारमा सहकारीको समुदायको दिगो विकासका लागि साकोसले विभिन्न आर्थिक तथा सामाजिक कार्यक्रम गर्दै आएको छ जसमध्ये रक्तदान कार्यक्रम पनि एक हो ।  साकोसले यस्ता विभिन्न कार्यक्रमहरु गर्दै जाने प्रतिबद्धता गरेको छ ।