मकवानपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) संग हाम्रो गोर्खा बचत तथा ऋण सहकारी संस्था लिमिटेड हेटौडा उपमहानगरपालिका ०५,मकवानपुर आबद्ध भएको छ ।
 
हेटौंडा उपमहानगरपालिका ०५,मकवानपुर स्थित हाम्रो गोर्खा साकोस नियमित निरिक्षण अनुगमन कार्यक्रम (स्क्यान) मा कार्तिक २३ गते आबद्ध भएको हो । 

हाम्रो गोर्खा साकोसका अध्यक्ष चक्रधर बिडारी, ब्यवस्थापक अनिता स्याङबो त्यसै गरी नेफ्स्कूनको तर्फबाट मकवानपुर सदस्य सेवा कार्यालय ईन्चार्ज ज्योति महत, चितवन सदस्य सेवा कार्यालय सहायक सुरेन्द्र श्रेष्ठको रोहबरमा प्रथम पक्ष संघको तर्फबाट कार्यक्रम अधिकृत श्यामराजा तिमल्सिना र दोस्रो पक्ष बाट अध्यक्ष चक्रधर बिडारीको हस्ताक्षरमा सम्झौता सम्पन्न भएको थियो ।

सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।