नयाँ दिल्ली । शहरी सहकारी कर्जा क्षेत्रको भविष्य, डिजिटलीकरण र अन्तर्राष्ट्रिय सहकार्यबारे उच्चस्तरीय विचार–विमर्श गर्ने उद्देश्यसहित दुईदिने International Conference of Urban Cooperative Credit Sector – Co–op कुम्भ २०२५” भारतको प्रतिष्ठित विज्ञान भवन, नयाँ दिल्लीमा NAFCUB का अध्यक्ष लक्ष्मी दासको अध्यक्षतामा नोभेम्बर ११ मा सम्पन्न भएको छ ।  

Digitalising Dreams – Empowering Communities अर्थात “सपना डिजिटल रूपान्तरण गर्दै समुदाय सशक्त बनाउँदै” भन्ने मुल नारासहित सुरु भएको सम्मेलनको उद्घाटन भारतका राज्यमन्त्री कृष्ण पाल, कर्नाटक सरकारका मन्त्री एच.के. पाटिल र सचिव डा. आशिष कुमारले संयुक्त रूपमा गर्नु भएको थियो ।

दुई दिनसम्म चलेको  यो सम्मेलनलाई शहरी सहकारी वित्त क्षेत्रको वर्षकै सबैभन्दा प्रभावशाली अन्तर्राष्ट्रिय मञ्चका रूपमा हेरिएको छ ।
NAFCUB द्वारा आयोजना, विशाल सहकारी संरचनाको प्रतिनिधित्व कार्यक्रमको आयोजना नेशनल फेडरेशन अफ अर्बन कोअपरटिभ बैंकस एन्ड क्रेडिट सोसाइटीज लिमिटेड (NAFCUB)  ले गरेको हो । NAFCUB ले भारतभरका १,६०० भन्दा धेरै शहरी सहकारी बैंक तथा ५० हजारभन्दा बढी सहकारी क्रेडिट सोसाइटीहरूलाई प्रतिनिधित्व गर्छ, जसले यस सम्मेलनलाई अझ महत्वपूर्ण बनाएको थियो ।