काठमाडौं । सहयात्री बचत तथा ऋण सहकारी संस्था लि. को आयोजना तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोगमा कार्तिक २८ र २९ दुई दिवशीय संस्थाको आगामी चार वर्षको रणनितिक व्यवसायिक योजना निर्माण तथा सञ्चालक समिति र कर्मचारीको क्षमता अभिवृद्धि कार्यशाला कार्तिक २९ गते सम्पन्न भएको छ । 

संस्थामा नव निर्वाचित सञ्चालन समिति र लेखा समितिको काम, कर्तव्य, अधिकार र जिम्मेवार, सञ्चालक समितिको आचार संहिता, कर्मचारीको आचार संहिता, सहकारीको आकर्षित हुने कानुनको बारेमा सहजिकारण भएको थियो । साथै आगमी चार वर्षको लागि संस्थाले आफ्नो योजना निर्माण र रणनितिहरु तय गरेको छ । 

तालिममा नेफ्स्कूनका अध्यक्ष चन्द्र प्रसाद ढकालले संस्था सञ्चालन प्रकृयामा सञ्चालक समितिले संस्थालाई सकारात्मक ढंगबाट सञ्चालन गर्न, सहकारी संस्था सञ्चालनको लागि सैद्धान्तीक पक्ष र व्यवहारिक पक्षबाट एकरुपताका साथ संस्था सञ्चालनको लागि अनुरोध गर्नु भयो । संघले बचत तथा ऋण सहकारी संस्था सञ्चालनका लागि निरन्तर रुपमा नियामक निकाय संग बहस पैरवी गरीरहेको र सो को नतिजा आउन केही  समय लाग्ने बताउनु भयो । सहकारी संस्थालाई रोल मोडेलको रुपमा सञ्चालन गर्नको लागि अनुरोध गर्नु भएको थियो। 

संस्थाका अध्यक्ष खेम राज सुवेदी ले तालिममा सहजिकरण भएका विषय वस्तु समय सान्दर्भिक रहेको र तालिमले सञ्चालक समिति र कर्मचारीलाई जिम्मेवार जवाफदेहिता बनाएको बताउनु भयो । तालिममा १८ जनाको सहभागिता रहेको थियो भने तालिमको सहजिकरण संघका बरिष्ठ अधिकृत कोमल राज अधिकारी र तालिम अधिकृत रविन्द्र श्रेष्ठले गर्नु भएको थियो ।