सिन्धुपाल्चोक । ब्रम्हायणी बचत तथा ऋण सहकारी संस्था लिमिटेडको आयोजना र  नेपाल बचत तथा ऋण केन्द्रीय सहकारी संघ लिमिटेड (नेफ्स्कून)  को प्राविधिक सहयोगमा २ दिवसीय रणनीतिक व्यवसायिक योजना निर्माण कार्यशाला मंसिर ५ गते सम्पन्न भएको छ ।

मंसिर ३ देखि ५ गतेसम्म सञ्चालित  दुई दिवसीय कार्यशालामा सहभागीहरूले व्यवसायको संस्थाको वर्तमान स्थिति विश्लेषण (SWOT Analysis), लक्ष्य निर्धारण, सम्भाव्यता विश्लेषण, बजार पहिचान, वित्तीय योजना, जोखिम व्यवस्थापन तथा व्यवसायिक रणनीति विकासका विविध पक्षबारे छलफल गरीयको थियो । साथै, समूहगत कार्य, छलफल र प्रस्तुतीकरणमार्फत सहभागीहरूलाई आफ्नै व्यवसाय वा संस्थाको लागि प्रारम्भिक व्यवसायिक योजना बनाउन प्रेरित गरिएको थियो ।

१५ जनाको सहभागिता रहेको कार्यशालाको सहजीकरण नेफ्स्कून कार्यक्रम अधिकृत रवीन्द्र श्रेष्ठले सहजीकरण गर्नु भएको थियो।