सुनसरी । सुनसरीको इटहरीमा रहेको किसान कल्याण बचत तथा ऋण सहकारी संस्था लि.मा सम्भाव्य उद्यम उद्यमी छनौट तथा प्रशिक्षण कार्यक्रम मंसिर १० गते सम्पन्न भएको छ ।

साकोसको आयोजना र नेफ्स्कूनको प्राविधिक सहयोगमा सञ्चालित गोष्ठीमा २७ जनाको सहभागिता रहेको थियो । साकोसका उपाध्यक्ष नरेन्द्रकुमार श्रेष्ठको अध्यक्षतामा सम्पन्न कार्यक्रम नेफ्स्कूनका अधिकृत राधा पौडेलले सहजीकरण गर्नुभएको थियो । साकोसद्वारा युवा सेयर सदस्यहरुलाई उद्यम सञ्चालनको प्राविधिक विषयमा प्रशिक्षणात्मक कार्यशालाको आयोजना गरिएको थियो । 

संस्थाले दिएको तालिम निकै उपलव्धीमूलक भएको र उद्यम सञ्चालनमा हौसला मिलेको गोष्ठीमा सहभागी सदस्य लोकराज कार्कीेले बताउनु भयो । किसान कल्याण साकोसले व्यवसाय विकास सेवा सञ्चालन गरि सदस्यहरुलाई उद्यमी बनाउने उद्देश्यका साथ विभिन्न तालिम तथा कार्यक्रमहरू सञ्चालन गर्दै आइरहेको संस्थाका अध्यक्ष शालिकराम ढकालले बताउनु भयो ।