सुनसरी । सुनसरीको इटहरीमा रहेको महिला बचत तथा ऋण सहकारी संस्था लि. मा सम्भाव्य उद्यम/उद्यमी छनौट तथा प्रशिक्षण कार्यक्रम मंसिर १० गते सम्पन्न भएको छ । 

साकोसको आयोजना र नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोगमा सञ्चालित गोष्ठीमा ४३ जनाको सहभागिता रहेको थियो । साकोसकी अध्यक्ष मुना प्रसाईं तिमल्सनाको अध्यक्षतामा सम्पन्न कार्यक्रम नेफ्स्कूनका अधिकृत रिता सुवेदीले सहजीकरण गर्नुभएको थियो ।  

साकोसद्वारा सेयर सदस्यहरुलाई उद्यम सञ्चालनको प्राविधिक विषयमा प्रशिक्षणात्मक कार्यशालाको आयोजना गरिएको थियो । संस्थाले दिएको तालिम निकै उपलव्धीमूलक भएको र उद्यम सञ्चालनमा हौसला मिलेको गोष्ठीमा सहभागी सदस्यहरुले बताएका थिए । तालिममा साकोसका पदाधिकारी र सञ्चालक समितिका सदस्यहरूको समेत सहभागिता रहेको थियो।