रुपन्देही । नेपाल बचत तथा ऋण केन्द्रीय सहकारी सघं लिमिटेड (नेफ्स्कून) द्वारा सबैको बचत तथा ऋण सहकारी संस्था लिमिटेड  तिलोतमा न.पा. रुपन्देहीमा मंसिर १७ गते संस्थाको सभाहलमा नियमित निरिक्षण तथा अनुगमन (स्क्यान)  कार्यक्रमको अभिमुखिकरण सम्पन्न भएको छ ।

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी शुरु गरिएको कार्यत्रम हो  । संस्थाको कानुनी जोखिम, वित्तिय जोखिम, ऋण जोखिम, तरलता जोखिम, सञ्चालन तथा शुसासन जोखिम र बजार जोखिमको क्षेत्रहरुको जोखिम पहिचान र न्यूनिकरण गर्ने कार्यक्रम हो । वित्तिय , सदस्य सेवा तथा सन्तुष्टि, आन्तरिक सञ्चालन प्रक्रिया र सिकाई र वृद्धिका क्षेत्रहरुमा रही सदस्य संस्थाहरुको समग्र विकास र प्रबद्धनका लागि पृष्ठपोषण गर्ने कार्य गर्दछ । 

अभिमुखिकरण कार्यक्रममा संस्थाका अध्यक्ष भरत राज भुसाल सहित सञ्चालक समिति, लेखा सुपरिवेक्षण समिति, सल्लाहकार र उच्च व्यवस्थापनको सहभागिता रहेको कार्यक्रमको सहजिकरण नेफ्स्कून बरिष्ठ अधिकृत कोमल राज अधिकारीले गर्नुभएको थियो भने बरिष्ड सहायक कल्पना भण्डारीले समन्वय तथा व्यवस्थापनको कार्य गर्नुभएको थियो ।