मोरगं । लेटागं बचत तथा ऋण सहकारी संस्था लिमिटेड,लेटागं ४ ,मोरगं ले नेपाल बचत तथा ऋण केन्द्रीय सहकारी संघ लि.नेफ्स्कून को स्क्यान कार्यक्रममा मंसिर १८ गते आबद्धता जनाएको छ । 

संस्थाको मुख्य कार्यालयमा आयोजित सम्झौता कार्यक्रममा संस्थाका तर्फबाट साकोसका अध्यक्ष कृष्ण प्रसाद निरौला, कोषाध्यक्ष तुलसीराम खनाल र ब्यवस्थापक सिताराम न्यौपानेका साथै ब्यवस्थापनका अन्य कर्मचारीहरुको उपस्थिति रहेको थियो भने कार्यक्रमको बिषयमा छलफल गरि संघका तर्फबाट कार्यक्रम अधिकृत मुकेश दाहालले सम्झौता गर्नु भएको थियो । 

नेफ्स्कूनले आफ्ना सदस्य संघ संस्थाहरुको गुणस्तर मापन गर्ने उद्धेश्यले स्क्यान कार्यक्रमको सुरुवात गरेको हो । स्क्यान कार्यक्रममा संस्थाको वित्तीय विवरण,शुसासनको अवस्था,कानूनी परिपालना र जोखीम को स्तर मापन गरी स्क्यान मार्फत सुपरिवेक्षण गरिरहेको छ ।  

सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि सहकारी संस्थाहरुमा स्थलगत सुपरिवेक्षण प्रभावकारी रूपमा अघि बढाइएको छ । बचत, ऋण, लेखापरीक्षण, लगानी तथा आर्थिक कारोबारको वास्तविक स्थिति, सदस्यहरूले पाउनुपर्ने सेवा सुविधा, लाभांश तथा समावेशी सहभागिता, संस्थाभित्र सम्भावित त्रुटी, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विष्लेषण गरी जोखिम न्यूनिकरणका उपायको खोजि गर्नु सुपरिवेक्षणको मुख्य उद्देश्य रहेको छ । साकोसका अध्यक्षले यस कार्यक्रमले साकोसको बिकासमा टेवा पुग्ने बिश्वास लिएको बताउनुभयो ।