बालकोट, भत्तपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी संस्थाहरूको जोखिम न्यूनीकरण, सुशासन तथा दिगोपनामा अभिवृद्धिका लागि अघि बढाएको स्क्यान कार्यक्रम अन्तर्गत बगलामुखी बचत तथा ऋण सहकारी संस्था लिमिटेड सुर्यविनायक नपा २ बालकोट भक्तपुरको स्थलगत सुपरिवेक्षण मंसिर २३ गते सम्पन्न भएको छ ।

सुपरिवेक्षणको उद्देश्यः प्रोवेशन कार्यक्रममा आवद्ध रहेको यस संस्थाको स्तरीकरणका लागि नेफ्स्कूनद्वारा स्थलगत सुपरिवेक्षण गरिएको हो । सुपरिवेक्षणले संस्थाको समग्र आर्थिक अवस्था र उपलब्ध सेवा सुविधाको जाँच गर्नुका साथै निम्न मुख्य विषयहरूमा केन्द्रित रहेर कार्य गरेको थियोस्

•     वेभसाइट र सामाजिक सञ्जाल व्यवस्थापन
•     कार्यालय व्यवस्थापन 
•    सम्पत्ति र दायित्व व्यवस्थापन 
•    सदस्यता र शेयर व्यवस्थापन
•    नविकरण तथा बिमा नविकरण सम्बन्धमा
•   प्रभावकारी ऋण व्यवस्थापन
•   बचत व्यवस्थापन

सुधार योजना र कार्यान्वयन प्रतिबद्धताः स्थलगत सुपरिवेक्षण सम्पन्न भएपश्चात् नेफ्स्कूनका कार्यक्रम अधिकृत सुमनराज घिमिरेले संस्थाको सञ्चालक समिति र व्यवस्थापन समक्ष सहजीकरण गरी छलफल गर्नुभएको थियो । सोही छलफलबाट संस्थाको सुधार योजना तयार गरी कार्यान्वयन गर्ने प्रतिबद्धता संस्था पक्षबाट व्यक्त भएको छ ।