काठमाडौं । नेपाल वचत तथा ऋण केन्द्रीय सहकारी संघ लि (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान)ं कार्यक्रममा चन्द्रागिरी नगरपालिका वडा नं ३ थानकोटमा रहेको परिश्रमी  बचत तथा ऋण सहकारी संस्था लि. मंसिर १७ गते आबद्ध भएको छ । 

नेफ्स्कूनको स्क्यान कार्यक्रमले संस्थामा सृजना हुने  वित्तिय जोखिम ,कानुनी जोखिम, सञ्चालन तथा सुशासन जोखिम ,ऋण जोखिम, तरलता जोखिम र बजार जोखिम न्यूनिकरणमा योगदान  गर्नुको साथै सुरक्षित संस्थाको प्रात्याभूती हुनेमा संस्थाका अध्यक्ष विष्णु प्रसाद शाहीले बताउनु भयो । आवद्धता संगै  संस्थाको नियमित निरिक्षण अनुगमन कार्य पनि सम्पन्न भएको छ । यस सन्दर्भमा संस्थाका व्यवस्थापक  मोहन लाल डाँगी भन्नुहुन्छ । अत्यान्त राम्रो कार्यक्रमको रुपमा रहेको नियमित निरीक्षण अनुगमन कार्यक्रम (स्क्यान) कार्यक्रमले संस्था थप सुरक्षित, संस्थागत सुदृढीकरण र संरक्षणमा रहने बताउनु भयो । साथै संस्थाको अनुगमन नेफ्स्कूनका अधिकृत सन्दिपराज ढकालबाट भएको थियो ।