दाङ । नेपाल बचत तथा ऋण केन्द्रीय सहकारी संघ लि. (नेफ्स्कून) सदस्य सेवा कार्यालय, घोराही, दाङको आयोजनामा १ दिने सहकारीमा वित्तीय व्यवस्थापनका लागि पूँजी पर्याप्तता विश्लेषण तालिम मंसिर २३ गते सम्पन्न भएको छ । तालिममा दाङ, प्यूठान, रोल्पाका विभिन्न साकोसका अध्यक्ष, उपाध्यक्ष,  कोषाध्यक्ष, ब्यवस्थापक, ऋण उपसमिति, लेखापाल, वित्तिय सहायक गरी जम्मा २७ जनाको सहभागिता रहेको थियो । 

एक दिने पूँजी पर्याप्तता विश्लेषण तालिमको सहजीकरण नेफ्स्कूनका तालिम अधिकृत उमेश कोइरालाले गर्नुभएको थियो । तालिमको सहजीकरणमा प्रशिक्षक उमेश कोइरालाले तालिममा जोखिम भारीत सम्पत्तीको गणना विधि र पूँजी कोषको गणना विधिको प्रयोगात्मक रुपमा अभ्यास गराउँदै, राष्ट्रिय सहकारी नियमन प्राधिकरणबाट पूँजी कोष सम्बन्धि जारीगरिएको मापदण्डमा विषयमा समेत छलफल गरिएको थियो । 

प्राधिकरणमा बचत तथा ऋणको मुख्य कारोवार गर्ने सहकारी संस्थाको दर्ताको गर्ने प्रकिया विषयमा पनि तालिममा छलफल गरिएको थियो । तालिममा सहभागिहरुले तालिम समय सान्दर्भिक एकदमै प्रभावकारी रहेको वताउनु भयो । कार्यक्रमको सञ्चालन नेफ्स्कून दाङ सदस्य सेवा केन्द्रका ईन्चार्ज चन्द्रदेव जोशीले गर्नु भएको थियो भने आवश्यक व्यवस्थापन दिनेश महराले गर्नु भएको थियो ।