कास्की । हाम्रो सहयोगि बचत तथा ऋण सहकारी संस्था लि.पोखरा १४, कास्कीको नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्धारा संचालित नियमित निरीक्षण अनुगमन (स्क्यान) कार्यक्रम मार्फत स्थलगत सुपरिवेक्षण मंसिर २३ गते सम्पन्न गरेको छ ।

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो । संस्थाको स्तरीकरणका लागि  बिभिन्न बिषयहरु जस्तैः बचत, ऋण, ब्याजदर, बार्षिक योजना, सम्पति शद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली, पूँजी प्रर्याप्तता अनुपात लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो ।

नेफ्स्कूनको तर्फबाट बरिष्ठ अधिकृत प्रेमनाथ वाग्लेद्धारा भएको  स्थलगत सुपरिबेक्षणमा  संस्थाको तर्फबाट अध्यक्ष, व्यवस्थापक र अन्य विभागका कर्मचारीहरुको उपस्थिति रहेको थियो । साकोसका पदाधिकारी तथा ब्यबस्थापनलाई  दिएको सुझाबहरुको सुधार उन्मुख हुँदै जाने निर्णय गरिएको छ ।