दोलखा । शिवशक्ति बचत तथा ऋण सहकारी संस्था लि. कालीन्चोक,दोलखाको नेपाल बचत तथा ऋण केन्द्रीय सहकारी संघ लि. (नेफ्स्कून) ले स्थलगत सुपरिवेक्षण मंसिर २४ गते सम्पन्न गरेको छ । 

नेफ्स्कूनले सहकारी क्षेत्रमा सुशासन, दिगोपन र वित्तीय अनुशासन प्रवर्द्धन गर्ने उद्देश्यका साथ नियमित स्थलगत सुपरिवेक्षण कार्यलाई निरन्तरता दिएको छ।  सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संस्थाको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण, कोपोमिस अद्यावधिक, सम्पत्ति शुद्धिकरण निवारण नीति   र भाखा नाघेका ऋण असुलीका विषयहरू मूल्यांकन गरिएको थियो। सहकारी नियमन प्रधिकरणमा दर्ता अभिलेखिकरणको बिषयमा समेत छलफल भएको थियो ।

नेफ्स्कूनका तर्फबाट कार्यक्रम अधिकृत राजन सुबेदी दोलखा सदस्य सेवा कार्यालयका ईन्चार्ज कर्मा लामा तथा संस्थाको तर्फबाट अध्यक्ष, सचिव ,व्यवस्थापक र व्यवस्थापन तहका कर्मचारीहरुको सहभागिता रहेको थियो ।