मोरगं । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) संग मोरगं जिल्लाबाट स्क्यान कार्यक्रममा मंसिर २४ गते दुई  साकोस आबद्ध भएका छन् । 

मोरगं स्थित संसेवन बचत तथा ऋण सहकारी संस्था लिमिटेड,लेटागं र मोरगं बचत तथा ऋण सहकारी संस्था लिमिटेड, लेटागं संघको नियमित निरिक्षण अनुगमन कार्यक्रम स्क्यानमा मंशिर २४ गते आबद्धता जनाएका हुन् । 

मोरगं स्थित संसेवन बचत तथा ऋण सहकारी संस्था लिमिटेड,लेटागंका अध्यक्ष सौराज राई, उपाध्यक्ष ढाकमसरी राई, क्रमशः संचालक सदस्य जुना राई, मात्रिका मगर र व्यवस्थापक जर्मन कुमारी राई का साथै नेफ्स्कूनका तर्फबाट कार्यक्रम अधिकृत मुकेश दाहाल र अनुगमन सहायक डिल्लिराम तिम्सिनाको रोहबरमा दुई पक्ष बीच स्क्यान कार्यक्रमको सम्झौता सम्पन्न भएको छ ।यस कार्यक्रमले बचत, ऋण, लेखापरीक्षण, लगानी तथा आर्थिक कारोबारको वास्तविक स्थिति, सदस्यहरूले पाउनुपर्ने सेवा सुविधा, लाभांश तथा समावेशी सहभागिता, संस्थाभित्र सम्भावित त्रुटी, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विष्लेषण गरी जोखिम न्यूनिकरणका उपायको खोजि गर्नु सुपरिवेक्षणको मुख्य उद्देश्य रहेको छ । साकोसका अध्यक्षले यस कार्यक्रमले सदस्य र साकोसको बिकासमा टेवा पुग्ने बिश्वास लिएको बताउनुभयो । 

मोरगं स्थित मोरगं बचत तथा ऋण सहकारी संस्था लिमिटेड,लेटागंका अध्यक्ष डम्बर बहादुर राई, उपाध्यक्ष लक्ष्मी कुमार श्रेष्ठ,सचिव सुवन कुमार थाखा र व्यवस्थापक निरज शाक्य नेफ्स्कून कार्यक्रम अधिकृत मुकेश दाहाल र अनुगमन सहायक डिल्लिराम तिम्सिनाको रोहबरमा दुई पक्ष बीच स्क्यान कार्यक्रमको सम्झौता सम्पन्न भएको छ । 

नेफ्स्कूनले आफ्ना सदस्य संघ संस्थाहरुको गुणस्तर मापन गर्ने उद्धेश्यले स्क्यान कार्यक्रमको सुरुवात गरेको हो । स्क्यान कार्यक्रममा संस्थाको वित्तीय विवरण,शुसासनको अवस्था, कानूनी परिपालना र जोखीम को स्तर मापन गरी स्क्यान मार्फत सुपरिवेक्षण गरिरहेको छ ।सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ।