मोरगं । नेवाः बचत तथा ऋण सहकारी संस्था लि. लेटागं नगरपालिका ३, नेपाल बचत तथा ऋण केन्द्रीय सहकारी संघ लि. (नेफ्स्कून) ले नियमित निरिक्षण तथा अनुगमन स्क्यान कार्यक्रमको अनुशिक्षण तथा जोखिममा आधारित साकोस सुपरिवेक्षण पौष ११ गते सम्पन्न गरेको छ । 

सुपरिवेक्षणका क्रममा सहकारी संस्थाको विनियम, नीति, निर्देशिका तथा कार्यविधिको पालना अवस्था, पूँजी संरचना, बजार अध्ययन गरि ब्याजदर परिवर्तन,भाखा नाघेको ऋणको कानुनि उपचार तथा बचत व्यवस्थापन, सम्पत्ति शुद्धिकरणको कार्यान्यवनका अवस्थाका बिषयहरुमा संघका कार्यक्रम अधिकृत मुकेश दाहाल, अनुगमन सहायक डिल्लिराम तिम्सिना र साकोसका अध्यक्ष श्याम कुमार श्रेष्ठ, उपाध्यक्ष निल कुमार श्रेष्ठ, ब्यवस्थापक सरला श्रेष्ठ र ब्यवस्थापनका कर्मचारीहरुको उपस्थितिमा सम्पन्न भएको थियो । 

समुदायमा आधारित यस साकोसको वासलात अध्ययन गर्दा स्क्यान अन्तर्गत प्रोवेशन कार्यक्रमको अभ्यास गरि सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि प्रभावकारी रूपमा अघि बढ्नुपर्ने सुझाव दिईएको छ ।