पोखरा । कास्की जिल्लाको पोखरा महानगरपालिका २५ हेम्जा स्थित गौरीशंकर बचत तथा ऋण सहकारी संस्थाका नेतृत्वहरूलाई माघ ३ देखि ५ गते सम्म सञ्चालन भएको ३ दिवशीय The Leadership Bootcamp तालिम माघ ५ गते तनहुँको बन्दीपुरमा सम्पन्न भएको छ । 

संस्थाका सञ्चालक समिति, लेखा सुपरिवेक्षण समिति, सल्लाहकार, उपसमिति र उच्च व्यवस्थापन गरी २९ जनाको सहभागीता रहेको तालिमको सहजीकरण नेपाल बचत तथा ऋण केन्द्रीय सहकारी संघ लि। नेफ्स्कूनका वरिष्ठ अधिकृत प्रेमनाथ वाग्ले र अधिकृत उमेश कोइरालाले गर्नुभएको थियो । 

तालिमको उद्घाटन संस्थाका अध्यक्ष केशव शरण पौडेलको अध्यक्षतामा भएको थियो । उहाँले परिवर्तित विश्व अभ्यासमा सहकारी सञ्चालकहरूमा नेतृत्व रूपान्तरण अत्यन्त जरूरी रहेकोले यो तालिम सहभागीहरूलाई आधुनिक नेतृत्व क्षमताहरू विकास गर्न प्रेरित गर्न लक्षित गरिएको  बताउनु भएको थियो ।

तालिम हरेक नेताले अंगीकार गर्नुपर्ने आवश्यक परिवर्तनका विषयमा विभिन्न खेल तथा व्यवहारिक अभ्यासका माध्यमबाट सञ्चालन गरिएको थियो भने नेतृत्व रुपान्तरणको ११ वटा चरणहरूको साथै जीवनपद्दतीमा अनुसरण गर्नुपर्ने ७ अभ्यास र आचरणहरूको विषयहरू समेटिएको थियो ।

तालिम पश्चात् सहभागीहरूले नेतृत्वमा आवश्यक परिवर्तन र अनुकूलनको महत्वलाई एकदम सुक्ष्म रूपमा पहिचानका साथ अनुभूती भएको साथै केवल वर्तमानमा अड्किरहनुको सट्टा समयसँगै लचिलो सोच र अनुकुलन नेतृत्व अपनाएर अघि बढ्न, थप नवप्रवर्तन हुन, सहज क्षेत्रबाट बाहिर आउन, पुराना सोचहरूलाई प्रश्न गर्न र परिवर्तनलाई स्वागत गर्न उत्प्रेरित गरेको बताउनुभयो । संगठनात्मक तथा व्यक्त्तिगत विकासलाई सकारात्मक रूपमा वढावा दिदैँ नेतृत्व रूपान्तरण गर्न सक्ने क्षमता र इच्छाशक्ति प्राप्त भएको व्यवहारमा लागु गर्ने प्रतिवद्धता सहभागीहरूको रहेको छ ।