धादिङ । नेपाल बचत तथा ऋण केन्द्रीय सहकारी संघ लि. (नेफ्स्कून) धादिङ सदस्य सेवा केन्द्रको आयोजनामा संघका अध्यक्ष चन्द्र प्रसाद ढकालको अध्यक्षतामा साकोस जोखिम व्यवस्थापन ३६० कार्यशाला माघ २४ गते सम्पन्न भएको छ । 

नेफ्स्कूनका कार्यक्रम अधिकृत सन्दिपराज ढकाल र  अधिबक्ता  प्रियहरि भण्डारिद्धारा भएको सहजिकरणमा साकोसका नेतृत्व र व्यवस्थापन प्रमुख गरी ३० भन्दा बढीको सहभागीता रहेको थियो । 

सहकारी संस्थाहरुले विभिन्न निकायहरुमा पठाउनुपर्ने प्रतिवेदनहरु, श्रम अडिट, मोबाइल बैकिङ कारोवारमा रहेको जोखिम लगायत नियामकिय अनुकुलन सम्बन्धि छलफलका साथै जोखिम भारित सम्पत्ति र पूजि पर्याप्तता गणना विधि प्रयोगात्मक रुपमा  गणनाका बारेमा सहजीकरण भएको थियो । 

साथै संघका अध्यक्ष चन्द्र प्रसाद ढकालले हालै संघले सञ्चालनमा ल्याएको स्क्यान कार्यक्रम मार्फत सदस्य संस्थाहरुको नियमित रुपमा सुपरिवेक्षण भइरहेको र स्क्यान कार्यक्रममा आबद्ध नभएका संस्थाहरुलाई समेत आबद्धताको लागि अनुरोध गर्नुभएको थियो ।  कार्यक्रम संञ्चालन धादिङ सदस्य सेवा केन्द्र ईन्चार्ज बिक्रम रिमालले गर्नुभएको थियो ।