काठमाडौं । नेपाल बचत तथा ऋण केन्द्रीय सहकारी संघ लिमिटेडको आयोजनामा साकोस जोखिम व्यवस्थापन ३६० कार्यशाला काठमाडौंमा माघ २६ गते सम्पन्न भएको छ । 

समापन कार्यक्रमको अध्यक्षता गर्नुभएका संघका अध्यक्ष चन्द्रप्रसाद ढकालले धेरैलाई संघले के गर्यो भन्ने लाग्न सक्छ, प्रत्यक्ष लाभ छैन भन्ने लाग्छ तर संघकै कारण नेपाल राष्ट्र बैंक नियमन प्राधिकरण विभाग लगायतका सम्बन्धित निकायहरूसँगको समन्वयमा वित्तीय कारोबार गर्नसक्ने प्रमाणपत्र, छुट्टै नियमन प्राधिकरण कर्जा नियाधिकरण कर्जा सूचना केन्द्र कार्यान्वयनमा आउन सक्नु हामी सबैको उपलब्धि भएको कुरा व्यक्त गर्नुभएको थियो । 

कार्यक्रमको पहिलो सत्र अधिवक्ता प्रियहरी भण्डारीले ऋण असुलीको कानूनी प्रक्रिया कर्जा असुली न्याधिकरण ऋण असुली प्रक्रिया कर्जा सूचना केन्द्रका बारेमा प्रस्तुति दिनुभएको थियो । 

दोस्रो सेसनमा संघका वरिष्ठ अधिकृत प्रेमनाथ वाग्लेले स्क्यान कार्यक्रमको अवधारणा स्क्यान सूचक सहकारी कानून परिपालना र वित्तीय व्यवस्थापनका बारेमा सहजीकरण गर्नुभएको थियो ।

कार्यक्रमको सञ्चालन संघका अधिकृत सन्दीप राज ढकालले गर्नुभएको थियो भने हल व्यवस्थापन बिनोद न्यौपाने , प्रेम भगत र उत्सव भट्टराईले गर्नुभएको थियो ।  कार्यक्रममा काठमाडौँ र भक्तपुर जिल्लाका साकोसका प्रतिनिधिहरु ४४ जनाको सहभागीता रहेको थियो ।