ललितपुर । दक्षिण ललितपुरको देवीचौर स्थित गोदावरी नगरपालिका ७, मा रहेको श्री देवी महिला बचत तथा ऋण सहकारी संस्था लि. र नेपाल बचत तथा ऋण केन्द्रीय सहकारी संघ लि. (नेफ्स्कून) बीच SCAN -Supervisory Checks and Analysis for Navigation_ कार्यक्रम सञ्चालनका लागि सम्झौता माघ २९ गते भएको छ ।

सहकारी संस्थाहरूमा सुशासन प्रवद्र्धन, जोखिम व्यवस्थापन सुदृढीकरण, वित्तीय अनुशासन अभिवृद्धि तथा संस्थागत क्षमता विकास गर्ने उद्देश्यले सञ्चालन हुँदै आएको स्क्यान कार्यक्रम अन्तर्गत सम्झौता गरिएको हो । कार्यक्रमले सहकारी संस्थालाई आत्ममूल्याङ्कन, संरचित विश्लेषण तथा सुधारात्मक कार्ययोजना मार्फत सही दिशातर्फ उन्मुख गराउने लक्ष्य राखेको छ ।

सम्झौताका क्रममा श्री देवी महिला साकोसका अध्यक्ष सुबद्रा चापागाँई, व्यवस्थापक सचिता चापागाँई, नेफ्स्कूनका कार्यक्रम अधिकृत शौभाग्य भट्टराई तथा कार्यक्रमका सहजकर्ता शिशिर अधिकारीको उपस्थिति रहेको थियो । कार्यक्रममा स्क्यानको अवधारणा, कार्यप्रणाली, मूल्याङ्कनका आधार तथा अपेक्षित उपलब्धिहरूका विषयमा विस्तृत छलफल गरिएको थियो ।

नेफ्स्कूनका कार्यक्रम अधिकृत शौभाग्य भट्टराईले स्क्यान कार्यक्रम सहकारी संस्थाहरूलाई तथ्यमा आधारित व्यवस्थापन अभ्यासतर्फ उन्मुख गराउने प्रभावकारी औजार भएको र यस कार्यक्रम मार्फत संस्थाको Supervisory Checks अर्थात् आन्तरिक नियन्त्रण, नीति–प्रक्रिया पालना र सुशासन अभ्यासहरूको समीक्षा गरिन्छ भने Analysis मार्फत वित्तीय सूचक, कर्जा गुणस्तर, तरलता अवस्था तथा जोखिम पक्षहरूको गहन विश्लेषण गरिन्छ। यसले संस्थालाई स्पष्ट दिशा -Navigation_ प्रदान गर्दै सुधारात्मक कार्ययोजना निर्माणमा सहयोग पु¥याउँछ । अन्ततः यसले सदस्यको विश्वास अभिवृद्धि गर्नुका साथै संस्थालाई दिगो र सुरक्षित सञ्चालनतर्फ अग्रसर गराउँछ ।”

संस्थाका अध्यक्ष सुबद्रा चापागाँईले स्क्यान कार्यक्रममा आवद्ध हुन पाएकोमा खुशी व्यक्त गर्दै यसलाई संस्थाको सुदृढीकरणतर्फ महत्वपूर्ण कदमका रूपमा लिनुभएको र “हामी महिला नेतृत्वमा सञ्चालन भइरहेको संस्था हो । संस्थालाई अझ पारदर्शी, उत्तरदायी र व्यवस्थित बनाउने हाम्रो लक्ष्य छ । स्क्यान कार्यक्रमबाट प्राप्त मार्गदर्शन र सुझावहरूलाई व्यवहारमा कार्यान्वयन गर्दै संस्थालाई अझ सबल र विश्वसनीय बनाउने प्रतिबद्धता व्यक्त गर्ने बताउनु भयो ।”
संस्थाकी व्यवस्थापक सचिता चापागाँईले कार्यक्रमले व्यवस्थापकीय प्रणालीलाई अझ व्यवस्थित, तथ्यपरक र नतिजामुखी बनाउन सहयोग पुग्ने विश्वास व्यक्त गर्नुभयो । स्क्यान कार्यक्रम अन्तर्गत संस्थाको वित्तीय अवस्था, व्यवस्थापकीय क्षमता, आन्तरिक नियन्त्रण प्रणाली, कर्जा तथा बचत व्यवस्थापन, जोखिम न्यूनीकरण अभ्यास तथा सुशासनका पक्षहरूको नियमित तथा संरचित मूल्याङ्कन गरिनेछ । यस प्रक्रियाले संस्थालाई आफ्नो वर्तमान अवस्थाको वस्तुगत विश्लेषण गर्न, सुधारका क्षेत्र पहिचान गर्न तथा चरणबद्ध कार्ययोजना तयार गर्न सहयोग पु¥याउने अपेक्षा गरिएको छ ।

सम्झौता पश्चात श्री देवी महिला साकोसले स्क्यान कार्यक्रम अन्तर्गत तोकिएका मापदण्ड र प्रक्रियाहरू पालना गर्दै नेफ्स्कूनसँग समन्वयमा कार्यक्रम प्रभावकारी रूपमा कार्यान्वयन गर्ने जनाएको छ । दुवै पक्षले सहकारी क्षेत्रको सुदृढीकरण, सदस्य हित संरक्षण तथा दिगो सहकारी विकासका लागि थप प्रभावकारी बनाउने प्रतिबद्धता व्यक्त गरेका छन् ।