रुपन्देही । नेफ्स्कून रुपन्देही सदस्य सेवा कार्यालयको आयोजनामा “सुरक्षित ऋण लगानी तथा असुली प्रक्रिया” सम्बन्धी तालिम रुपन्देही बुटवलमा फागुन १२ गते सम्पन्न भएको छ । 

विभिन्न सहकारी संस्थाबाट प्रतिनिधित्व गर्दै ४५ जनाको सहभागितामा सम्पन्न तालिममा सुरक्षित ऋण प्रवाह गर्ने विधि, जोखिम मूल्यांकन, धितो व्यवस्थापन, कर्जा अनुगमन, असुली रणनीति तथा कानुनी प्रक्रिया सम्बन्धी विषयमा प्रशिक्षण गरिएको थियो ।

नेफ्स्कून बरिष्ठ अधिकृत कोमल राज अधिकारीले व्यवहारिक उदाहरणसहित सहकारी संस्थाहरूमा देखिने कर्जा सम्बन्धी समस्याहरू र समाधानका प्रभावकारी उपायहरूबारे स्पष्ट पार्दै सुरक्षित ऋण लगानीका लागि आवश्यक नीति, प्रक्रिया र आन्तरिक नियन्त्रण प्रणाली सुदृढ हुनुपर्नेमा विशेष जोड दिनुभएको थियो । 

सहभागीहरूले तालिम अत्यन्त प्रभावकारी, व्यवहारिक तथा उपयोगी भएको प्रतिक्रिया दिएका थिए । यस प्रकारका तालिमहरूले सहकारी संस्थाहरूको कर्जा व्यवस्थापन प्रणालीलाई अझ सुदृढ, पारदर्शी र प्रभावकारी बनाउन महत्वपूर्ण योगदान पु¥याउने विश्वास व्यक्त गरिएको छ । कार्यक्रमको व्यवस्थापन कार्यक्रम अधिकृत प्रविन अधिकारी र रुपन्देही सदस्य सेवा कार्यालय प्रमुख कल्पना भण्डारीले गर्नुभएको थियो ।