काठमाडौं — नेफ्स्कूनले प्राविधिक शिक्षा तथा व्यावसायिक तालिम परिषद् (सीटीईभीटी) सँगको सम्बन्धमा सञ्चालन गरेको सहकारी व्यवस्थापक कोर्ष आठौं व्याचका लागि भर्ना खुलेको छ ।

सहकारी क्षेत्रमा आवश्यक दक्ष जनशक्ति उत्पादन गरी व्यवस्थापन गर्ने उद्देश्यका साथ स्नातक तह उत्तीर्ण व्यक्तिहरूका लागि लक्षित यस तालिममा ६०० घण्टाको कोर्ष हुनेछ, जसमा २० सिट मात्र उपलव्ध रहेको नेफ्स्कून तालिम केन्द्रले जनाएको छ । 

आगामी २०८३ वैशाख १५ गतेबाट कक्षा सञ्चालन हुने र पाठ्यक्रममा आधारित, पूर्णतः व्यवहारिक तथा १४ वटा समग्र मोड्युलमा जुम मार्फत देशभरबाट अनलाइन कक्षा लिन सक्ने व्यवस्था गरिएको छ । अनुभवी तथा दक्ष प्रशिक्षकहरूद्वारा प्रशिक्षण दिइने केन्द्रले बताएको छ ।

नेफ्स्कूनले सुरु गरेको सहकारी व्यवस्थापक कोर्षको पठनपाठनबाट प्रशिक्षार्थीहरुको गुणस्तर प्रमाणीकरण साथसाथै सीप विकास र कार्यशैली विकासको चरणले सफलता हासिल गर्दै गईरहेको छ । 

तालिमका विशेषताहरुः

• कुल ६०० घण्टाको कोर्षमध्ये ७२ घण्टा जुम माध्यम बाट सैदान्तिक, १८ घण्टा आवासीय, ३५० घण्टाको व्यवहारिक कक्षा र १६० घण्टा कार्यगत अभ्यास गर्नुपर्ने व्यवस्था रहेको छ । (८०% व्यवहारीक २०% सैद्भान्तिक )
•   अभौतिक कक्षा जुम मार्फत विहान ७ः०० बजेदेखि ९ः०० बजेसम्म सञ्चालन गरिनेछ ।
•   ५१० घण्टाको व्यवहारिक कक्षाका लागि विभिन्न परियोजना कार्यहरु सम्पन्न गर्न लगाई सो को परिक्षण गरिनेछ ।