काठमाडौ । किर्तिपुर स्थित शुभ सेवा बचत तथा ऋण सहकारी संस्था लि. नेफ्स्कूनको नियमित निरिक्षण तथा अनुगमन (स्क्यान) कार्यक्रममा आबद्धता तथा प्रोवेसन स्थलगत सुपरिवेक्षण फागुन २६ गते सम्पन्न भएको छ । 

संस्थाको  वित्तीय  कानुनी जोखिमको अवस्था, बजार जोखिम तथा सुशासन जोखिमका विषयमा स्थलगतका क्रममा सुपरिवेक्षण गरिएको थियो । संस्थाका व्यवस्थापक अरुण डंगोलले नेफ्स्कूनले संस्थाको हालका नियामकीय परिवर्तनका विषयबस्तु समेत सूचकका रुपमा समावेश गरी स्क्यान कार्यक्रम ल्याएकोमा खुशी व्यक्त गर्दै संघको स्तरीकरण कार्यक्रमको नियमित सुपरिवेक्षणबाट संस्थाको वित्तीय स्वस्थता विकास गर्न, जोखिम न्यूनीकरण गर्न, आन्तरिक सुदृढीकरण र व्यवसायिकतामा सहयोग पुगेको बताउदै निरन्तर मार्गदर्शनको अपेक्षा गरेको बताउनुभयो ।

स्क्यान कार्यक्रमका सम्झौता संस्थाका व्यवस्थापक अरुण डंगोल, व्यवस्थापनका कर्मचारीहरुको रोहवरमा सम्झौता पत्रमा नेफ्स्कूनका सहायक कार्यकारी अधिकृत दुर्गा प्रसाद ढकाल र संस्थाका अध्यक्ष दुर्कमान महर्जनको हस्ताक्षरमा सम्पन्न भएको थियो । स्क्यान तथा प्रोवेसनको स्थलगत सुपरिवेक्षण कार्यक्रम नेफ्स्कूनका अधिकृत दिपक अर्यालले गर्नु भएको थियो ।