झापा । झापा सदस्य सेवा कार्यालय अन्तर्गत अग्रभागका कर्मचारीहरूको क्षमता विकास तालिम कमल गा. पा. ५ स्थित होटल हेरिटेज रिसोर्ट प्रा.लि. मा चैत्र १० गते सम्पन्न भएको छ । 

४३ जना साकोसका कर्मचारीहरुको सहभागिता रहेको तालिमको सञ्चालन नेफ्स्कून झापा सदस्य सेवा कार्यालयका व्यवसाय अधिकृत पवन घिमिरेले गर्नुभएको थियो । तालिमको समग्र व्यवस्थापन सदस्य सेवा कार्यालयका वरिष्ठ सहायक गणेश भण्डारीले गर्नुभएको थियो । 

उत्प्रेरणात्मक मार्गदर्शन प्रदान गर्दै अग्रभागमा कार्यरत कर्मचारीहरू संस्थाको महत्वपूर्ण आधार भएको र यी कर्मचारीहरू नै सदस्यहरूसँग प्रत्यक्ष रूपमा सम्पर्कमा रहने, उनीहरूसँग सम्बन्ध स्थापना गर्ने तथा संस्थाको सेवा प्रभावकारी रूपमा पु¥याउने मुख्य माध्यम भएकाले यस्ता तालिमहरुको आवश्यकता अनुरुप संघले आयोजना गरेको संघका महासचिव घनश्याम अधिकारीले बताउनुभयो । तालिमबाट सिकेका ज्ञान, सीप र अनुभवलाई दैनिक कार्यक्षेत्रमा व्यवहारिक रूपमा प्रयोग गर्नुपर्नेमा जोड दिनुभयो । यसरी सीपहरूको प्रभावकारी प्रयोगले मात्र संस्थाको सेवा गुणस्तर सुधार हुने, सदस्यहरूको सन्तुष्टि बढ्ने र अन्ततः दिगो संस्थागत विकासमा महत्वपूर्ण योगदान पुग्ने उहाँको धारणा थियो ।

कर्मचारीले गर्ने व्यवहारले सदस्य र संस्थालाई जोड्ने पुलको रुपमा काम गर्ने भूमिकामा भएकोले उसको क्षमता विकासले संस्थागत विकासमा सहयोग पुग्ने यस तालिमका सहजकर्ता संघका बरिष्ठ अधिकृत भरत प्रसाद न्यौपानेलेले व्यक्त गर्नुभयो ।