काठमाडौं । न्युरोड काठमाडौं स्थित सिटि भिलेज बचत तथा ऋण सहकारी संस्था लि. र का.म.न.पा.२२ सवलवहाल काठमाडौं स्थित अविच्छिन्न बचत तथा ऋण सहकारी संस्था लि. नेफ्स्कूनको नियमित निरिक्षण तथा अनुगमन कार्यक्रम (स्क्यान) मा आबद्धता जनाएका छन् । 

नेपाल बचत तथा ऋण केन्द्रीय सहकारी संघले ३८ औं स्थापना दिवसको अवसरमा साकोसहरुको बृहत्तर बिकासका लागि संघमा आबद्ध सदस्य संघ संस्थाहरुको नियमित रुपमा निरीक्षण तथा अनुगमन गरी साकोसको जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगत बर्षहरुमा सञ्चालित एक्सेस, प्रोवेसन तथा कब्र्स कार्यक्रमको सिकाइका आधारमा थप परिमार्जन सहितको कार्यक्रम हो–स्क्यान । 

स्क्यान कार्यक्रम गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वनियमन र नियामकीय सक्षमता विकासको एकिकृत स्वरुप हो । नियमित निरीक्षण तथा अनुगमन गरी देखिएको जोखिम व्यवस्थापन गर्न सदस्यहरुको लागत सहभागितामा यो कार्यक्रम सञ्चालनमा आएको छ । यस कार्यक्रममा संघमा आबद्ध सबै सदस्यहरुलाई सहभागी गराइने योजना अनुरुप द्रुत गतिमा आवद्धताको काम अघि बढेको हो ।