चितवन, माडी । लोककल्याणकारी बचत तथा ऋण सहकारी संस्था लि.को आयोजना तथा नेफ्स्कूनको प्राविधिक सहयोगमा “रणनीति व्यवसायिक योजना निर्माण” सम्बन्धी तीन दिने कार्यशाला वैशाख ०४ गते सम्पन्न भएको छ ।

वैशाख २ गतेदेखि ४ गतेसम्म सञ्चालन भएको उक्त कार्यशालामा कुल १९ जनाको सहभागिता रहेको थियो । कार्यक्रमले सहकारी संस्थाको दीर्घकालीन लक्ष्य निर्धारण, व्यवसायिक योजना निर्माण प्रक्रिया, रणनीतिक सोच विकास तथा संस्थागत सुदृढीकरणका विषयमा महत्वपूर्ण ज्ञान तथा सीप प्रदान गरेको आयोजकले जनाएको छ ।

कार्यशालामा नेफ्स्कूनका सहायक कार्यकारी अधिकृत दुर्गा प्रसाद ढकाल र तालिम अधिकृत रवीन्द्र श्रेष्ठले सहजीकरण गर्नुभएको थियो । उहाँहरुले सहकारी व्यवस्थापन, योजना निर्माणका व्यावहारिक पक्ष तथा रणनीतिक निर्णय प्रक्रियाका विषयमा सहभागीहरुलाई प्रशिक्षण दिनुभएको थियो ।

कार्यक्रमले सहकारी संस्थालाई व्यवस्थित, प्रभावकारी र दिगो बनाउने दिशामा महत्वपूर्ण योगदान पु¥याउने विश्वास लिइएको छ। साथै, सहभागीहरुले सिकेका सीप तथा ज्ञानलाई आफ्नो संस्थामा व्यवहारमा उतार्ने प्रतिबद्धता समेत व्यक्त गरेका छन् ।