नवलपरासी, बर्दघाट । नेपाल वचत तथा ऋण केन्द्रीय सहकारी संघ लिमिटेड (नेफ्स्कून)  र ग्रामिण वाल्मिकी बचत तथा ऋण सहकारी संस्था लि. वीच स्क्यान कार्यक्रम सञ्चालन सम्बन्धी दुईपक्षिय सम्झौता सम्पन्न भएको छ । 

वैशाख १० र ११ गते स्थलगत सुपरिवेक्षण गरी संस्थागत विकास र जोखिम न्यूनिकरणका उपयाहरुको वारेमा छलफल तथा सुझावहरु दिईएको थियो ।  सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि सहकारी संस्थाहरुमा स्थलगत सुपरिवेक्षण प्रभावकारी रूपमा अघि बढाइएको छ ।

बचत, ऋण, लेखापरीक्षण, लगानी तथा आर्थिक कारोबारको वास्तविक स्थिति, सदस्यहरूले पाउनुपर्ने सेवा सुविधा, सस्थामा रहेका भाखा नाघेका ऋणको कानुनि प्रक्रियामा जाने बिषय तथा संस्थाभित्र सम्भावित जोखिम, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विश्लेषण गरी जोखिम न्यूनिकरणका उपायको खोजि गर्नु सुपरिवेक्षणको उद्देश्य रहेको छ ।

नेफ्स्कूनका बरिष्ठ अधिकृत कोमल राज अधिकारीले गर्नुभएको सुपरिवेक्षणमा साकोसका अध्यक्ष सञ्चालक समिति, प्रमुख कार्यकारी अधिकृत र उच्च तहका कर्मचारीहरुको उपस्थिति रहेको थियो ।