मन्थली, रामेछाप — नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजनामा रामेछाप र सिन्धुली जिल्लाका साकोसहरूका लागि जोखिम व्यवस्थापन सम्बन्धी ‘स्क्यान’ अन्तर्गतको ‘क्युरिमा ३६०’ कार्यशाला वैशाख १२ गते शनिबार मन्थलीमा सम्पन्न भएको छ ।

कार्यशालाले सहकारी क्षेत्रमा देखा परेका वित्तीय, कानूनी तथा सञ्चालनसम्बन्धी जोखिमहरू न्यूनीकरण गर्न महत्वपूर्ण सामूहिक प्रतिबद्धता पारित गरेको छ ।

कार्यशालामा नेफ्स्कूनका कानूनी सल्लाहकार एवं अधिवक्ता शिव अधिकारीले ऋण असुलीसम्बन्धी कानूनी प्रावधान, विद्यमान चुनौतीहरू तथा कार्यविधिबारे विस्तृत प्रशिक्षण प्रदान गर्नुभएको थियो । त्यसैगरी, नेफ्स्कूनका सहायक कार्यकारी अधिकृत दुर्गा प्रसाद ढकालले सहकारी अभियानको आगामी कार्यदिशा, ‘स्क्यान’ कार्यक्रमको औचित्य तथा यसको प्राविधिक पक्षबारे प्रकाश पार्नुभएको थियो ।

कार्यक्रमको सञ्चालन नेफ्स्कूनका कार्यक्रम अधिकृत सुमनराज घिमिरेले गर्नुभएको थियो भने कार्यक्रम व्यवस्थापनमा संघको मन्थली सदस्य सेवा केन्द्रका प्रमुख सूर्य बहादुर थापा तथा कर्मचारी सुनिता दाहालले प्राविधिक र व्यवस्थापकीय सहयोग पु¥याउनुभएको थियो ।

कार्यशालामा रामेछाप र सिन्धुलीका १५ वटा सहकारी संस्थाका पदाधिकारी तथा व्यवस्थापक गरी ३३ जना सहभागी रहेका थिए भने अन्य अतिथि तथा नेफ्स्कून व्यवस्थापन सहित कुल ४० जनाको सहभागिता रहेको थियो ।