वालिङ, स्याङजा । कोओपरेटिभ म्यानेजर्स क्लब स्याङजा को आयोजना तथा नेफ्स्कून र मिरा साकोस इ.आर.पि. को प्राविधिक सहयोगमा “विद्यमान नियामकीय संरचना अनुसार सहकारी व्यवस्थापन सम्बन्धी अनुशिक्षण कार्यक्रम” होटल गाउँबेसी प्रा.लि. स्याङजामा वैशाख २९ गते सम्पन्न भएको छ।

कार्यक्रम कोओपरेटिभ म्यानेजर्स क्लब स्याङजाका अध्यक्ष शिव वाग्लेको अध्यक्षता तथा  वालिङ नगरपालिकाका मेयर कृष्ण खाँड को प्रमुख आतिथ्यतामा सम्पन्न भएको थियो।

कार्यक्रममा नेफ्स्कूनका कार्यक्रम अधिकृत मनोज खड्काले सहकारी क्षेत्रमा हाल विद्यमान कानुनी व्यवस्था तथा स्क्यान कार्यक्रममा आबद्धतासम्बन्धी प्रस्तुति दिनुभएको थियो। 

मिरा साकोस इ.आर.पि. का प्रमुख कार्यकारी अधिकृत मनोज तिवारीद्धारा प्रविधिको महत्व, मिरा सफ्टवेयरका विशेषता तथा लागतसम्बन्धी जानकारी गराउनुभएको थियो।

कार्यक्रममा ६५ वटा सहकारी संस्थाका व्यवस्थापकहरूको सहभागिता रहेको नेफ्स्कूनका कार्यक्रम अधिकृत मनोज खड्काले साकोस आवाजलाई बताउनुभयो ।