गोरखा । मंगलटार, गोरखा स्थित सप्तकोशी बचत तथा ऋण सहकारी संस्थाको समन्वयमा संस्थाको कार्यालयमा सल्यनटार, आरुघाट क्षेत्रका ६ वटा साकोसका प्रतिनिधीहरुविच स्क्यान कार्यक्रमबारे अभिमुखिकरणको साथै समसामायिक सन्दर्भका विषयमा प्रस्तुती र छलफल श्रावण १९ गते सम्पन्न भएको छ । 

कार्यक्रममा सप्तकोशी साकोस, विशाल आमा साकोस, चुलिदेवि साकोस, हाम्रो साकोस, सल्यानटार साकोस र शुभलक्ष्मी साकोसका प्रतिनिधिहरुको सहभागिता रहेको थियो । 

स्क्यान कार्यक्रममा सहभागिताको औचित्व र प्रभावकारीताको विषयमा सप्तकोशी साकोसका अध्यक्ष मेन बहादुर अधिकारीले प्रकाश पार्नुभएको थियो भने कार्यक्रमको सहजिकरण नेफ्स्कून कार्यक्रम अधिकृत सन्दिप राज ढकालले गर्नुभएको थियो । कार्यक्रममा सहभागिहरुले स्क्यान कार्यक्रममा सहभागिताको लागि सञ्चालक समितिमा निर्णय गरी कार्यान्वयनमा जाने प्रतिवद्धता व्यक्त गरेका छन् ।