महोत्तरी । विषहारामाई बचत तथा ऋण सहकारी संस्था लि. औरही, महोत्तरी को आयोजना तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोग र German Sparkassenstiftung for International Cooperation को सहयोगमा तीन दिने कृषक व्यवसाय खेल तालिम भाद्र २७ गते सम्पन्न भएको छ । 

भाद्र २५ देखि २७ गतेसम्म सञ्चालन भएको तालिम Learning By Doing  खेल विधिमा आधारित कृषक व्यवसाय खेल तालिम सहकारीका कृषिपेशामा संलग्न सदस्यहरुलाई निर्वाहमुखिबाट व्यवसायिक कृषिमा रुपान्तरण गर्ने Tools को रुपमा रहेको थियो । 

सिमुलेसन विधिको प्रयोग गरि खेलिने यस खेलबाट सदस्यहरुले कृषि पेशा व्यवसायबाट वास्तविक जीवनमा कृषिको व्यवसायिक वृद्धि विकासका लागि कसरी काम गर्नुपर्छ भन्ने विषयमा सैद्धान्तिक ज्ञानलाई व्यवहारसँग जोड्ने काम गर्दछ ।

सहभागिहरुलाई ५ जना सहभागिको दरले ५ वटा समुह बनाई प्रशिक्षण गराइएको  थियो । तालिममा सहभागीहरूले अहिलेसम्मकै फरक, व्यवहारमुखी र प्रभावकारी तालिम रहेको उल्लेख गर्दै तालिमबाट प्राप्त सिकाइलाई आफ्नो दैनिक जीवन तथा कृषि व्यवसायमा व्यवहारिक रूपमा लागू गर्ने प्रतिबद्धता व्यक्त गरेका थियो ।

तालिमको उद्घाटन विषहारामाई साकोसका उपाध्यक्ष प्रभु साहको अध्यक्षता र तालिममा उपस्थित जेष्ठ सदस्य रतन मण्डलको आतिथ्यतामा भएको थियो भने समापनको अध्यक्षता गणिता यादवले गर्नु भएको थियो भने औरही नगरपालिका वडा नं.७ वडा अध्यक्ष प्रमुख जितेन्द्र यादव को पनि  उपस्थिति रहेको थियो । 

२५ जना कृषक सदस्यहरुको सहभागीता रहेको तालिमको सहजीकरण नेफ्स्कूनका कार्यक्रम अधिकृत रामकृष्ण भट्टराई र राजेन्द्र ढकालले गर्नुभएको थियो । कार्यक्रम संचालन साकोसका सचिव रामनारायण साहले गर्नु भएको थियो भने सम्पूर्ण व्यवस्थापन संजयकुमार यादव लगायत कर्मचारहरुले गर्नु भएको थियो ।