काठमाडौं । साहारा वचत तथा ऋण सहकारी संस्था लिमिटेड मन्थलीको २१ औं साधारण सभा सम्पन्न भएको छ ।

जिल्लाकोे रामेछाप र मन्थली नगरपालिका कार्यक्षेत्र रहेको सहकारीले ६ वटा इकाईका ३१ वटा केन्द्रमा साधारण सभा वैठक गरी मन्थलीमा निर्णय प्रमाणिकरण सम्पन्न गरेको हो । 

२०६२ साल माघ १३ गते सामुदायिक विकास समाज, लक्षित समुदायका प्रतिनिधीहरुले दर्ता स्थापना गरेका साहारा वचत तथा ऋण सहकारी संस्था लिमिटेड, मन्थली रामेछापको शेयर सदस्य ५ हजार ४ सय २६ रहेका छन् । संस्थाको आर्थिक वर्ष ०८२/०८३ मा कूल सम्पति ३७ करोड ४३ लाख ६८ हजार ८ सय ४३ रहेको संस्थाका सचिव तिलक कार्कीले बताउनु भयो ।  संस्थाको शेयर पूँजी २ करोड ६९ लाख ४२ हजार ८ सय रहेको छ भने जगेडा कोषमा १ करोड २८ लाख ६९ हजार ५ सय १३ रहेको सचिव कार्कीले जानकारी दिए । संस्थाको वचत निक्षेप ३० करोड ५० लाख ५५ हजार ९ सय ४४ रहेको छ भने ऋण लगानी २५ करोड ६६ लाख ७१ हजार ६ सय ७० रहेको छ । संस्थाको संचालित खूद मूनाफा ४ लाख १७ हजार ७३ रहेको कार्कीले बताउनुभयो । नीति, विधी र प्रविधिमा निरन्तर लागि रहेको बताउदै आ.व. ०८२/०८३ को नीति, वार्षिक कार्यक्रमको प्रगति विवरण पेश गरेका थिए । संस्थालाई थप सुदृढ, पारदर्शी र सदस्यकेन्द्रित वित्तिय सहकारीका रुपमा विकास गर्ने योजना रहेको समेत बनाउनु भएको थियो  । 

आ.व. ०८३/०८४ को नीति, वार्षिक कार्यक्रम सर्वसम्मत रुपमा पारित गरिएको थियो । जसमा वित्तिय र गैह्र वित्तिय योजनाका बारेमा छलफल भएको थियो । साधारण सभामा कोषाध्यक्ष चुक्तबहादुर मगरले आ.व ०८२/०८३ को आयव्यय विवरण र ०८३/०८४ को प्रस्तावित वजेट प्रस्तुत गर्दै सर्वसम्मत रुपमा पारित भएको थियो । साधारण सभामा लेखा सुपरिवेक्षण समितिका संयोजक गंभिर विकले आन्तरिक लेखा परीक्षण प्रतिवेदन प्रस्तुत गर्नुभएको थियो ।  भने साकोसका उपाध्यक्ष कमलबहादुर मगरले स्वागत मन्तव्य राख्नु भएको थियो । 

निर्णय प्रमाणिकरण बैठक तथा २१ औं साधारण सभामा विशेष वक्ता जिल्ला वचत तथा ऋण सहकारी संघका अध्यक्ष जगन्नाथ दाहालले सहकारी अभियानका अवसर, चुनौति र सामनाका लागि गर्नुपर्ने कामका बारेमा चर्चा गर्नु भएको थियो । प्रमुख बक्ता जिल्ला सहकारी संघका अध्यक्ष हिमाल ढुंगेलले सहकारी शिक्षा, वित्तिय साक्षरता, सदस्यहरुलाई संस्थाका बारेमा नियमित जानकारी गराउने तथा सहकारी अभियानलाई तिव्रता दिन आग्रह गर्नुभएको थियो ।  सहकारीका असल अभ्यासको प्रचार प्रसार गर्ने, संचालक तथा कर्मचारीलाई क्षमतावान बनाउन लाग्नु पर्ने सल्लाह दिनुभएको थियो ।  सहकारीका वर्तमान चुनौतिलाई अवसरका रुपमा लिएर सुशासन, पारदर्शिता, वित्तिय अनुशासन, जोखिम व्यवस्थापन र वचत सुरक्षालाई प्राथमिकतामा राखि काम गर्न आग्रह समेत गर्नुभएको थियो  ।  

बैठकमा सल्लाहकार केशव तिमल्सिना, होतराज ढकालले शुभकामना दिएका थिए । साधारण सभा तथा निर्णय प्रमाणीकरण बैठकमा प्रस्ताव र निर्णय संस्थाका व्यवस्थापक बलराम लामाले प्रस्तुत गरी सर्वसम्मतबाट पारित भएका थियो । साहारा साकोसका अध्यक्ष शिवराज श्रेष्ठको अध्यक्षतामा बैठक सम्पन्न भएको थियो ।