काठमाडौं, भदौ २१ । कोभिड १९ महामारीको बन्दाबन्दीका कारण सहकारीको बार्षिक साधारणसभा सम्बन्धी अन्यौलता सृजना भइरहेको विषयलाई मध्यनजर गदै सहकारी विभागले साधारणसभाका लागि उचित निकासको संज्ञा दिएको छ ।  सहकारी विभागले आज एक परिपत्र जारी गरी सहकारी संघ संस्थाहरुले बार्षिक साधारण सभा कसरी सम्पन्न गर्ने भन्ने विषयमा केही दिनमा उपयुक्त निकासको निचोड निकाल्ने जनाएको हो । 

परिपत्रमा संघसंस्थाहरुको लेखापरिक्षण तथा साधारणसभा कसरी सम्पन्न गर्ने भन्ने विषयमा सरोकारवालाहरुसँग छलफल तथा अन्तक्र्रिया भइरहेकोले नआत्तिन भनेको हो । परिपत्रमा भनिएको छ “सरोकारवालाहरु सँगको छलफल तथा अन्तरक्रियाबाट प्राप्त भएका सुझाव सहितका आधारमा उपयुक्त निकास सहितको निचोड निकालिने छ ।”

प्रत्येक आर्थिक वर्षको पुष मसान्तसम्ममा लेखापरिक्षण तथा साधारण सभा सम्पन्न गर्ने समय रहेको हुनाले उक्त समयभित्र कार्य सम्पन्न हुनेगरी छलफल तथा अन्तरक्रिया भइरहेको जनाएको छ ।