काठमाडौं । सर्लाहीको स्वस्तिक बचत तथा ऋण सहकारी संस्था लि.ले लकडाउनको शुरुको १ साता बाहेक अहिलेसम्म कुनै दिन पनि कार्यालय बन्द नगरी निरन्तर सेवा प्रदान गरेको दाबी गरेको छ । कार्यालय बन्द भएको समयमा समेत सम्पर्कका आधारमा सेवा प्रवाह गरेको इश्वरपुर नगरपालिका–६ स्थित संस्थाले बाँकी समयको सेवा प्रवाह भौतिक रुपमा कार्यालय सञ्चालन गरेर सेवा उपलब्ध गराएको जनाएको छ ।

“२०७७ चैत ११ मा पहिलो लकडाउन शुरु भएपछिको एक साता भने अलमल र अत्यासका कारण पूर्ण रुपमा कार्यालय बन्द गर्यौ त्यसपछि भने कुनै दिन पनि कार्यालय बन्द गरेको छैन,” संस्थाका व्यवस्थापक बिनोद थापाले भन्नुभयो, “अन्य अवस्थामा पनि हामी ३ सय ६५ दिन नै सेवा प्रदान गरिरहेका छौं ।” लालबन्दीमा सेवा कार्यालय समेत रहेको संस्थाले सदस्य सेवालाई सहज र समयसापेक्ष बनाउन २०७० सालबाट नेफ्स्कूनको सफ्ट्वेयर सेवा नेकोस प्लस प्रयोग गरेको संस्थाले एसएमएस बैंकिङ् सेवा प्रदान गरेको छ भने मोबाइल बैंकिङ सेवा अब चाँडै शुरु गर्ने तयारीमा रहेको व्यवस्थापक थापाले बताउनुभयो । सफ्ट्वेयर स्तरोन्नतिसँगै नेकोस प्लसका विविध सुविधाहरुका बारेमा निरन्तर जानकारी लिने संस्थालाई नेफ्स्कूनको ३३ औं स्थापना दिवसका अवसरमा २०७७ साल साउन ३२ गते नेफ्स्कून प्रशंसा पुरस्कारबाट सम्मानित गर्ने घोषणा गरिएको छ । हाल लेखापरिक्षण सम्पन्न गरिसकेको संस्था वार्षिक साधारण सभाको तयारीमा जुटेको छ ।
२०५७ सालमा स्थापित संस्थामा हाल करिब २५ सय सदस्यले १० जना कर्मचारीमार्फत निरन्तर सेवा प्राप्त गरिरहेका छन् ।