कञ्चनपुर । नेफ्स्कून फिल्ड कार्यालय कञ्चनपुरको आयोजनामा महामारीमा साधारण सभा सञ्चालन सम्वन्धी अनुशिक्षण कार्यक्रम सम्पन्न भएको छ । कार्यक्रममा नेफ्स्कूनका महासचिव दामोदर अधिकारी, सञ्चालक माधवप्रसाद जोशी, नेफ्स्कून फिल्ड कार्यालय कञ्चनपुर फिल्ड व्यवस्थापन उपसमिति सदस्य भवानी चन्द, दमन बहादुर सिंह, भुपेन्द्र थापा, सुरत बोगटी, जगदिश भट्ट र फिल्ड कार्यालय डडेल्धुराका फिल्ड व्यवस्थापन उपसमिति सदस्य मिना फुलारा, तेज बहादुर ऐरी, कैलाश कलौनिया, गंगाराम फुलारा लगायतको उपस्थिति थियो । 

कार्यक्रममा नेफ्स्कूनका महासचिव अधिकारीले शुभकामना सहित मार्गनिर्देशनात्मक मन्तव्य राख्नुभएको थियो भने सञ्चालक जोशीले शुभकामना मन्तब्य राख्नु भएको थियो । मन्तब्यका क्रममा अहिलेको कोभिड १९ जस्तो महामारीले सहकारीहरुकलाई सधारणसभा सञ्चालनमा  निम्त्याएको समस्यालाई मध्यनजर गदै कार्यक्रम अयोजना गरिएकोले सम्पुर्ण सुदूरपश्चिममा रहेका साकोसहरुका लागि कार्यक्रम महत्वपुर्ण हुने दाबी महासचिवले गर्नुभयो ।  
बिहान ११ बजे देखि  १ बजे सम्म सञ्चालन भएको कार्यक्रममा सुदूरपश्चिमका बिभिन्न सहकारी संघ संस्थाका ५८ जनाको सहभागिता थियो । नेफ्स्कूनका बरिष्ठ कार्यक्रम अधिकृत दिपक ढुङ्गानाले सहजिकरणका साथै जिज्ञासाहरुको सम्बोधन गर्नुभएको कार्यक्रमको सञ्चालन तथा समग्र ब्यवस्थापन नेफ्स्कून कञ्चनपुर फिल्ड कार्यालय ईन्चार्ज बिष्णु जोशीले गर्नुभएको थियो ।