भक्तपुर । भक्तपुर नगरपालिका–४ भुलाँचास्थित श्री बाराही बचत तथा ऋण सहकारी संस्था लि. र सिटिजन लाईफ ईन्स्योरेन्स कम्पनी बीच साकोसका सदस्यहरुको बीमा सम्झौता भएको छ । सम्झौतासँगै अब बाराही साकोसका सदस्यहरु आफु र आफ्नो परिवारको जीवन सुरक्षाका लागि सदस्य बीमा कार्यक्रममा सहभागी हुन सक्नेछन् । 
यस सम्बन्धमा आज सम्पन्न सम्झौता कार्यक्रममा  बाराही साकोसका प्रमुख कार्यकारी अधिकृत शिवजी हाकुदुवाल र सिटिजन ईन्स्योरेन्सका तर्फबाट कर्पोरेट सेल्स प्रमुख रिता पाठकले हस्ताक्षर गनुभएको थियो । कार्यक्रममा साकोसका पूर्व अध्यक्ष राधेश्याम सुवाल, लघुवित्तविद् एवम् बीमा परामर्शदाता शिव अधिकारीका साथै संस्थाका कर्मचारीहरुको उपस्थिति रहेको थियो । सदस्यहरुको जीवन रक्षा र राहत प्रदान गर्ने उद्देश्यले सिटिजन लाईफ ईन्स्योरेन्स सँग बीमा सम्झौता गरेको संस्थाले जनाएको छ ।