काठमाडौं । कामनमा–६, बौद्ध मुख्य कार्यालय रहेको अजम्बरी बचत तथा ऋण सहकारी संस्था लि. र सिटिजन लाईफ ईन्स्योरेन्स कम्पनी बीच साकोसका सदस्यहरुको बीमा सम्झौता भएको छ । अब अजम्बरी साकोसका सदस्यहरुले आफु र आफ्नो परिवारको जीवन सुरक्षाका लागि सदस्य बीमा कार्यक्रममा सहभागी हुन सक्नेछन् । 

यस सम्बन्धमा आज सम्पन्न सम्झौता कार्यक्रममा अजम्बरी साकोसका प्रमुख कार्यकारी अधिकृत गान्वा सुनुवार, व्यवसाय अधिकृत निरज थापा मगर र ईन्स्योरेन्सका तर्फबाट बीमा परामर्शदाता शिवअधिकारी र क्षेत्रीय शाखा प्रबन्धक मुरारी भण्डारी उपस्थित हुनुहुन्थ्यो । साकोसका तर्फबाट प्रमुखकार्यकारी अधिकृत गान्वा सुनुवार र सिटिजन लाईफ ईन्स्योरेन्सकातर्फबाट क्षेत्रिय शाखा प्रबन्धक मुरारी भण्डारी ले सम्झौतामा हस्ताक्षर गर्नु भएको थियो । साकोसका प्रमुख कार्यकारी अधिकृत गान्वा सुुनुवारले सदस्यहरुको जीवन रक्षा र राहत प्रदान गर्ने उद्देश्यले सिटिजन लाईफ ईन्स्योरेन्स सँग बीमा सम्झौता गरेको बताउनु भयो । बीमा कार्यक्रममा सहभागी हुने सदस्यले रु.२ लाख ३० हजार सम्म बीमा बापत रकमप्राप्त गर्न सक्ने छन् ।