शुक्रबार ५ असार, २०८३, Sat, 20 Jun, 2026
बनेपा/ काभ्रेपलञ्चोक तथा काठमाडौ जिल्लाभर कार्यक्षेत्र रहेको विन्धवासिनी बचत तथा ऋण सहकारी संस्था लि. ले २७ औं वार्षिक साधारण सभा हिजो सम्पन्न गरेको छ । संस्थाका अध्यक्ष प्रदिप थापाको सभापतित्वमा सम्पन्न भएको कार्यक्रममा राष्ट्रिय सहकारी महासंघ का अध्यक्ष मिनराज कँडेलको प्रमुख आतिथ्यता एवं नेपाल बचत तथा ऋण केन्द्रीय सहकारी संघ लिमिटेड (नेफ्स्कून) काअध्यक्ष परितोष पौड्यालको विशेष आतिथ्यतामा सम्पन्न भएको थियो ।
कोभिड १९ अर्थात कोरोना भाईरसबाट हुने सक्ने जोखिमको विषम परिस्थितिमा नेपाल सरकार, नियमन निकाय एवं छातासंघहरुको निर्देशन तथा मार्गदर्शनलाई समेत मध्यनजर गरी २०७७ मंसिर १० देखि २४ गते सम्म सदस्यलाई पायक पर्ने सेवा कार्यालय, सेवा केन्द्र एवं विभिन्न ठाउँ गरी २३ स्थानबाट सदस्य उपस्थिति भेला गराई सोही स्थानबाट क्षेत्रगत साधारण सभा प्रतिनिधि चयन गरी २०७७ मंसिर २७ गते सम्पूर्ण सेवा कार्यालयमा एकै दिन क्षेत्रगत साधारण सभा संचालन गरी सोही सभाबाट निर्णय प्रमाणिकरणका लागि प्रतिनिधि छनौट भएका प्रतिनिधिहरुको उपस्थितिमा २७औं साधारण सभा समापन तथा निर्णय प्रमाणिकरण कार्यक्रम सम्पन्न गरेको हो । क्षेत्रगत समापन कार्यक्रमबाट छनौट भएका प्रतिनिधिहरुको सहभगितामा संस्थाको आ.ब २०७६/७७ को कार्य प्रगति प्रतिवेदन, ०७७/७८ को संशोधित तथा ०७८/७९ को ५० हजार आठ सय ४७ सदस्य, कूल सम्पत्ति एवं पूजी तथा दायित्व चार अर्ब ६१ करोड ४७ लाख तीन हजार पु¥याउने लक्ष्य सहित प्रस्तावित बजेट तथा कार्यक्रम बजेट सर्वसम्मत रुपमा पारित गरिएको थियो भने सभाले विनियम पुनः लेखन, संशोधन, नीति नियम र कार्यविधि संशोधन प्रस्ताव पारित सहित ललितपुर र भक्तपुर जिल्लाभर कार्यक्षेत्र विस्तार गर्ने, सहकारी संस्थासँग विग मर्ज कार्य अगाडि बढाई एकीकरण गर्ने निर्णय सहित कार्यक्रमको समापन भएको थियो ।
कार्यक्रमका प्रमुख अतिथि मिनराज कडेलले नेपालको सहकारी अभियानमा गौरव गर्न लायक सहकारी संस्था विन्धवासिनी संस्था रहको बताउँदै राष्ट्रिय तथा अन्तर्राष्ट्रिय छवि निर्माण र वित्तीय सेवामा उत्कृष्टता हाँसिल गरेको यस साकोसले सदस्यको जीवनयापनका लागि अब उत्पादन र ब्यवसायसँग जोडिने खालका कार्यक्रमहरु सञ्चालन गर्नु पर्नेमा जोड दिनुभयो । 
कार्यक्रमका विशेष अतिथि नेफ्स्कूनका अध्यक्ष परितोष षौड्यालले विन्धवासिनी बचत तथा ऋण सहकारी संस्थाको सफलता भनेकै नेफ्स्कूनको सफलता भएकाले विन्धवासिनीको हरेक सफलतासँग नेफस्कूनले गौरव गर्दै आएको धारणा ब्यक्त गर्नु भयो । विन्धवासिनी गन्तव्य सहकारी संस्था भएकाले नेपालका आम सहकारीहरुले पनि यसले गरेका कार्यहरुको अनुसरण गर्दै सहकारी संस्थालाई प्रविधिमैत्री बनाउनु पर्नेमा जोड दिनुभयो । साथै उहाँले उद्यमशिलता विकासका लागि नेफ्स्कूनले उद्यमशिलता प्रशिक्षक प्रशिक्षण तालिम सञ्चालन गरेको र विन्धवासिनीले पनि आफ्ना सदस्यहरुलाई उद्यमशिल बनाउन साझेदारी गर्न आग्रह गर्नु भयो ।
