मकवानपुर । मकवानपुरको मनहरी गा.पा–८,स्थित दिव्यज्योती महिला साकोस आयोजना र नेफ्स्कूनको प्राविधिक सहयोगमा कार्यकुशलता तथा सिकाई व्यवस्थापन PALM कार्यशाला पौष १२ गते सम्पन्न भएको छ । कार्यशालामा पूर्ण तथा व्यावसायिक साकोस विकास कार्यक्रम ९एच्इद्यब्त्क्ष्इल्० मा आबद्ध मकवानपुर जिल्लाका ११ वटा साकोसका अध्यक्ष, संचालक सदस्य, प्रोवेसन कार्यदल संयोजक र व्यवस्थापकको उपस्थिती थियो ।
आयोजक साकोसका अध्यक्ष सुजिता मस्राङ्गेको अध्यक्षता र मकवानपुर गाउँपालिका अध्यक्ष श्री एकराज उप्रेपीको प्रमूख आतिथ्यता,  वडा नं. ८ बडाध्यक्ष दिलबहादुर स्याङ्ताङ्ग र नेफ्स्कून फिल्ड कार्यलय इन्चार्ज ज्योती महतको आतिथ्यमा कार्यक्रम सम्पन्न भएको थियो । कार्यक्रममा प्रमुख अतिथिले सहकारी संस्थाहरु जोखीमबाट न्यूनीकरण गरी संस्थागत सुदृढीकरणमा लाग्नुपर्ने बिषयमा प्रष्ट पार्दै, स्तरीकरणको यस कार्यक्रममा सहभागी सबै साकोसहरुलाई शुभकामनाका व्यक्त गर्नुुभएको थियो ।

साथै कार्यक्रमको सुरुवातसंगै मकवानपुरको मनहरी गा.पामा रहेका संस्थाको स्तरीकरण गर्ने, सहकारी विच सहकार्यको भावना र असल अभ्यासहरु एक आपसमा आदन प्रदान गर्ने वातावरण सिर्जना हुने अभ्यासको सुरुवात भएको बताउनुभयो । स्थानीय निकायको पुजीँ परिचालन, नयाँ र आधुनिकिरण तवरबाट उत्पादनमुलक क्षेत्रमा लगानी र सोको बजार व्यवस्थापन गरी बाहिरी पुजीँ भित्राउन सकिने र लघु उद्यममा जोड दिनमा सम्पर्ण कार्यक्रममा आवद्ध हुुनुभएको साकोसहरुलाई अनुरोध गर्नुभयो, नेफ्स्कुनले सदस्य संस्थाहरुको संस्थागत विकास र गुणस्तर बृद्धि गर्न विभिन्न कार्यक्रम सञ्चालनमा ल्याएकोमा अझ ब्राण्ड प्राप्त गरी अभैm स्तरोन्नती हुनेमा विश्वस्त रहेको कुरा जानकारी गराउनुभयो भने हाल नेफ्स्कूनबाट सञ्चालीत स्तरिकरण कार्यक्रमले सहकारी संस्थालाई गुणस्तरिय बनाउने र सदस्यहरुको एक मात्र रोजाइ बन्नेमा समेत जोड दिनुभएको थियो ।
नेफ्स्कूनका कार्यक्रम अधिकृत सुरज चालिसेले सहजिकरण गर्नुभएको कार्यक्रमको सञ्चालन दिपज्योती महिला साकोसका लेखा सुपरिवेक्षण समिति संयोजक विमला गोपालीले गर्नु भएको थियो ।