काठमाडौं । काभ्रेको पनौतीस्थित लक्ष्मी महिला बचत तथा ऋण सहकारी संस्था लि.को संस्थागत विकास तालिम पौष ९ गतेदेखि ११ गतेसम्म भक्तपुरको नगरकोटमा सम्पन्न भएको छ । तालिममा संस्थाको संचालक समिति, लेखा समिति, उपसमिति र व्यवस्थापनका गरी २३ जनाको सहभागिता थियो । नेफ्स्कूनको प्रोबेशन कार्यक्रम अन्तर्गत बागमती पहिलो क्लष्टरमा आबद्ध संस्थाले यो तालिमबाट आगामी वर्ष प्रोबेशन अन्तिम परिक्षण गराउने लक्ष्य सहित कार्ययोजना निर्माण गरिएको जनाएको छ। यस तालिमले आगामी दिनमा संस्था संचालनको लागि समिति , उपसमिति र व्यवस्थापनको क्षमता विकास भएको र  तालिमबाट सिकेका कुुराहरु संस्थामा गई कार्यान्वयनमा ल्याउने अध्यक्ष मैंया महतले प्रतिबद्धता व्यक्त गर्नुभयो। तालिमको सहजिकरण नेफ्स्कूनका वरिष्ठ तालिम अधिकृत वल्वभ तिमिल्सेना र कार्यक्रम अधिकृत कोमल राज अधिकारी गर्नुभएको थियो ।
तालिम समापन कार्यक्रममा नेफ्स्कूनका प्रचार्य गणेश प्रसाद तिमिल्सेनाले समिति तथा उपसमितिको काम कर्तव्य र अधिकारका विषयमा प्रष्ट पार्दै तालिम सिकाका कुराहरुलाई व्यवहारमा परिणत गर्न आग्रह गर्नुहुँदै साकोसको सफलताको शुभकामना समेत व्यक्त गर्नुभयो  ।