मकवानपुर । एशियाली ऋण महासंघ र नेफ्स्कूनको प्राविधिक सहयोग एवम् मकवानपुरको इन्द्रसरोवर ४ फाखेलस्थित श्री सक्रिय महिला बचत तथा ऋण सहकारी संस्था लि. को आयोजनामा २ दिने “लेखापालन, कानुनी व्यवस्था तथा बजारीकरण” तालिमक कार्यक्रम सम्पन्न भएको छ । एशियाली ऋण महासंघसँगको रणनीतिक सहकार्यमा सञ्चालित व्यवसाय विकास कार्यक्रम अन्तर्गत पुस २० र २१ गते आयोजना गरिएको उक्त तालिममा स्थानीय श्री सक्रिय महिला बचत तथा ऋण सहकारी संस्था लि. का १० जना उद्यमी महिला सदस्यहरुको सक्रिय सहभागिता थियो । तालिममा उद्यम गरिसकेपछि लेखा राख्ने विधि, इकमर्श, बजारीकरणको अवस्था उपाय आदि विविध विषयमा नेफ्स्कनकी कार्यक्रम अधिकृत रीता सुवेदीेले सहजिकरण गर्नुभएको थियो । समापन समारोहका वक्ताहरुले तालिम अत्यन्त फलदायी भएको प्रतिक्रिया दिनुभएको थियो ।