नेपालगञ्ज । नेफ्स्कून क्षेत्रीय कार्यालय नेपालगंजको आयोजनामा चालु आर्थिक वर्ष २०७७/०७८ को अर्धबार्षिक समिक्षा तथा फिल्ड उपसमिति सदस्यहरुको क्षमता विकास कार्यक्रम अन्तर्गत आज नेपालगञ्जमा गोष्ठी सम्पन्न भएको छ । संघका महासचिव एव नेपालगंज फिल्ड कार्यालय व्यवस्थापन उप समिति संयोजक दामोदर अधिकारीको अध्यक्षतामा सम्पन्न समिक्षा बैठकमा संघका कोषध्यक्ष दिपक पनेरु, संञ्चालहरु यज्ञ प्रसाद ढकाल, माधव जोशी र सन्दिप सापकोटा, संघका कामु कार्यकारी अधिकृत प्रकाश प्रसाद पोखरेल, लुम्बिनी प्रदेश सहकारी विकास वोर्ड सदस्य हुमा डिसी, जिल्ला बचत संघका अध्यक्षहरु, फिल्ड कार्यालय व्यवस्थापन उप समिति सदस्यहरु, संघको उच्च व्यवस्थापन र फिल्ड कार्यालय इन्चार्जहरुको सहभागिता थियो । 

संघका कोषाध्यक्ष दिपक पनेरुले स्वागत एवम् कार्यक्रमको औचित्वमाथि प्रकाश पार्नुभएको थियो भने  महासचिव दामोदर अधिकारीले अभियानको जिम्मेवारी, योजना तथा मार्गदर्शनका सम्बन्धमा उत्प्रेरणा मुलक प्रस्तुतिकरण गर्नु भएको थियो । संघका कामु प्रमुख कार्यकारी अधिकृत पोखरेलले संघको बर्तमान अवस्था र उपलब्धिहरु सहितको प्रस्तुतिकरण गर्नु भएको थियो । कार्यक्रममा क्षेत्रीय कार्यलयको बार्षिक वित्तीय लक्ष्य र उपलब्धि सहितको प्रस्तुतिकरण बरिष्ठ अधिकृत दिपक प्रसाद ढुंगानाले गर्नु भएको थियो । कार्यक्रममा ५ वटै फिल्ड कार्यालयबाट समस्या तथा चुनौतिहरु सहितको फिल्डगत प्रस्तुतिकरण गरिएको थियो । 

गोष्ठीको समापन कार्यक्रममा संघका महासचिव अधिकारीले संघको वृद्धि र विकासका लागि फिल्ड कार्यालयहरुबाट प्राप्त सुझावहरु निकै मत्वपूर्ण रहेको मनन गदै आगामि दिनहरुमा फिल्डगत रुपमा आएका सुझावहरुलाई कार्यान्वयन गर्ने धारण राख्नुभयो । गोष्ठीमा सबै उप समितिका सदस्यहरुलाई प्रमाण पत्र वितरण गरिएको थियो । कार्यक्रम संञ्चालन नेफ्स्कूनका बरिष्ठ अधिकृत दिपक प्रसाद ढुंगानाहरुले गर्नु भएको थियो ।