बागलुङ । जिल्लाको सिवाईसी वचत तथा ऋण सहकारी संस्था लि. ले पर्वतको कुस्मा बजारमा १८औं सदस्य सेवा केन्द्र शुभारम्भ गरेको छ । गुप्तेश्वर सदस्य सेवा केन्द्रको नाममा आज उद्घाटित कार्यालयबाट भोलिदेखि सदस्य सेवा सुचारु हुने संस्थाले जनाएको छ । सोमबार मात्रै संस्थाले जैमिनी नगरपालिकामा एकै दिन दुई वटा सेवा केन्द्र विस्तार गरेको थियो भने बुधबार बेनी नगरपालिका–८, बेनीबजार म्याग्दीमा बेनी सदस्य सेवाकेन्द्र शुभारम्भ गरेको थियो । 

संस्थाका अध्यक्ष चण्डीप्रसाद शर्माले धौलागिरि कार्यक्षेत्र रहेको सिवाईसीले कार्यक्षेत्रमा सेवा विस्तार गर्ने योजना अनुसार सेवा केन्द्र विस्तारमा जुटेको बताउनुभयो । हुने खानेको पैसा हुँदा खानेसम्म पुर्याउने र हुँदा खानेलाई हुने खाने बनाउने उद्देश्य अनुरुप सिवाईसीले आफ्नो सेवालाई प्रभावकारी बनाउँदै आएको उहाँको भनाई छ ।

१३ हजार ४ सय ४१ जना शेयर सदस्य रहेको सिवाईसीमा २३ करोड ९८ लाख ९६ हजार तीन सय शेयर पुँजी, एक अर्ब २७ करोड १६ लाख २५ हजार ६ सय ६५ बचत संकलन र ९९ करोड २१ लख १७ हजार १८१ लगानी रहेको छ ।

सहकारीको एटिएम, मोवाईल बैंकिङ, क्युआर कोड, ट्याबलेट बैँकिङ, मिष्डकल,इटेलर लगायतका सेवाहरु सञ्चालनमा रहेको जानकारी दिनुभयो ।

सहकारीले २१ प्रकारका बचत र ३५ प्रकारका ऋण सेवा, रेमिट्यान्स सेवाहरुसंगै शेयर सदस्यहरुलाई लक्षित गरि विभिन्न सामाजिक उत्तरदायित्वका आकर्षक योजनाहरु समेत समावेश गर्दै आएको छ ।